椈 (已結業)

#中環地膽 今次帶我去蘭桂芳新開嘅 - 椈 日式居酒屋🏮，Menu主打各種串燒；有雞、牛、豚肉、菇菜等，另外仲有特色小食、甜品、清酒同啤酒🍻等！裝潢滿滿日式風格，吧枱可望住師傅整串燒！氣氛十分好！晚餐時段均有開胃前菜、蔬菜沙律、湯品及甜品🍮🦀甲羅燒配多士：味道濃滑蟹膏爆滿嘅甲羅燒，食落暖笠笠口感軟綿細滑，配香脆多士一齊食簡直係絕配！🦑子持魷魚：3-4月先有嘅子持魷魚以慢煮嘅方法，所以質感特別柔軟，口感極軟彈；配上燒汁味道香口又惹味，十分出色！🦪鹽燒廣島蠔：飽滿嘅廣島蠔，用鹽燒已經十分鮮甜！蠔香四溢！🍗一夜干手羽：招牌菜之一燒雞翼，雞皮燒至金黃薄脆，雞肉軟嫩好juicy ! 🍗一夜干雞翼鎚：以酥炸嘅雞翼鎚，外脆肉軟，份外惹味！🥩燒牛舌：QQ彈彈嘅厚切牛舌，肉汁滿滿口感軟嫩，輕輕用鹽調味更添鮮味！🍖豬肉蘆筍串：薄薄嘅豬肉肉質扎實，夾住中間嘅蘆筍清新爽脆又好味！🍖豬頸肉：厚厚嘅豬頸肉，油脂香盈，口感爽彈！🍙燒飯團：有明太子味及三文魚味，飯團唔會太乾，口感啱啱好似飯焦，相當唔錯！ 🥗開胃前菜係牛蒡漬物，是日湯品係牛舌麵豉湯，味道濃郁；甜品係抹茶蕨餅；口感煙靭唔會太甜好啱我地！🍻飲品點了神泡啤酒