影片
更多
2018-06-06
1423 瀏覽
5 月中經過中環，突然被鮨中本嘅店面吸引，望一望店名，之後就當然 google 啦，點知乜都搵唔到，當時連 OpenRice 都查無此店，Facebook Page 都未有 😅😅😅 唯一搵到就只有兩篇日文簡介，原來係新開！於是就成功激發我好奇心預約喇 😆😆😆由門面到店內裝潢，大將 ( 壽司店主廚 ) 到餐廳經理，同最重要嘅食物質素，根本就同喺東京銀座食おまかせ ( 廚師發板 ) 冇別呀！😜😜😜大將中本正紀早年喺東京米芝蓮 1 星壽司名店 すし家 一柳 ( Tabelog 4.19/5 ) 出身，風格偏向傳統江戶前。おまかせ ( Omakase ) 近年喺香港越嚟越流行，有好多明明只係港式壽司店都話自己做廚師發板 🤣🤣🤣 而壽司嘅風格都係以畫蛇添足為主 ( 睇吓大型連鎖店最近嘅 campaign 就知 😅😅😅 )餐廳經理斎藤さん其實係 100% 香港人，但從小就喺日本長大，佢嘅存在可十分重要，因為佢流利嘅日文可以幫助我哋食客同中本さん溝通，學到好多對壽司嘅知識 👍🏼👍🏼👍🏼 次次去到日本都淨係識得講幾句，到聽人哋講解嘅時候就聽唔明 😜😜😜 所以絕對對整個用餐體驗加分 💪🏼💪🏼💪🏼晚餐有
由門面到店內裝潢，大將 ( 壽司店主廚 ) 到餐廳經理，同最重要嘅食物質素，根本就同喺東京銀座食おまかせ ( 廚師發板 ) 冇別呀！😜😜😜
大將中本正紀早年喺東京米芝蓮 1 星壽司名店 すし家 一柳 ( Tabelog 4.19/5 ) 出身，風格偏向傳統江戶前。おまかせ ( Omakase ) 近年喺香港越嚟越流行，有好多明明只係港式壽司店都話自己做廚師發板 🤣🤣🤣 而壽司嘅風格都係以畫蛇添足為主 ( 睇吓大型連鎖店最近嘅 campaign 就知 😅😅😅 )
餐廳經理斎藤さん其實係 100% 香港人，但從小就喺日本長大，佢嘅存在可十分重要，因為佢流利嘅日文可以幫助我哋食客同中本さん溝通，學到好多對壽司嘅知識 👍🏼👍🏼👍🏼 次次去到日本都淨係識得講幾句，到聽人哋講解嘅時候就聽唔明 😜😜😜 所以絕對對整個用餐體驗加分 💪🏼💪🏼💪🏼
晚餐有 4 個選擇，包括兩個只有握壽司同兩個有刺身酒肴 Set。咁我就揀咗 18 件握壽司嘅 Set $1350 + 10% 😋😋😋
鮨中本嘅舍利 ( 壽司飯 ) 係屬於偏硬有咬口，黏度比較低，酸度適中，色澤望落去同一般白醋嘅壽司飯一樣，但餐廳經理斎藤さん 話其實係用赤醋，只不過中本さん係用咗陳釀咗 3 年嘅赤醋，所以比較淡色 😀😀😀 壽司飯大小適中，但係因為冇乜空氣感，所以並非小弟喜愛嘅類型 😜😜😜 口味嘅嘢，人夾人，並冇好壞，但溫度控制方面亦需要改善 👍🏼👍🏼👍🏼
全晚比較出色嘅有赤身醬油漬，池魚，小肌同鳥貝 😋😋😋
驚艷嘅有：
金目鯛，魚皮輕輕燒香，火喉控制極佳，魚肉保持彈牙 😍😍😍
紫海膽握壽司，入口立刻同壽司飯融為一體，aftertaste 一直留到下一件馬糞海膽軍艦整好咗影埋相都仲未散，後勁凌厲 😱😱😱
鹽水馬糞海膽軍艦，同前一件剛好相反，一入口甜度爆燈，但一到食道就瞬間即逝，即刻有啲後悔吞咗 😂😂😂
玉子，呢件真係不得了！蛋身光滑，口感濕潤，好似食緊布甸咁 😝😝😝
穴子，口感醇滑，用脷將件壽司向上頂就得 😄😄😄 炭香十足 👍🏼👍🏼👍🏼
而比較失望嘅係呑拿魚中腹同大腹，魚油未夠香，同埋有筋 😭😭😭
整體表現，同喺日本食おまかせ比，都算係中上質素 😋😋😋 價錢方面，餐廳位於中環地舖，日籍師父加上用料上乘，喺香港嚟計算係物有所值 😁😁😁
呢餐 18 件壽司如下：
尾長鯛
金目鯛
右口魚
赤身醬油漬
中拖羅
大拖羅
白烏賊
池魚
小肌
鯖魚
三文魚籽
紫海膽
鹽水馬糞海膽
白蝦
鳥貝
赤貝
玉子
穴子
張貼
