影片
更多
2019-04-29
312 瀏覽
周末過後，通常第一日返工都係好辛苦架啦，為左治療我既monday blue，決定放工食好d! 平時去和安里都係因為happy hour完要醫肚，今次特登去就係要試呢間日本野。平日lunch hour好多人食，唔想排隊就無機會啦，只能等夜晚，因為相對黎講容易d攞位望望餐牌，都幾多選擇。最後揀左北海道海鮮飯同16切自選刺身！前菜係沙律同帶子裙邊，開胃醒神。等左一陣，我個海鮮飯就送到啦！男朋友見到直情嘩一聲賣相非常精緻，魚生望落好新鮮好吸引。數左下，一共有7款餸，比較特別既係蟹肉，鮑魚，腌過既蜆仔同灸海老。海膽好鮮甜，鮑魚好入味，一d都唔老，灸海老肉質好彈牙，飯同魚生既比例係1:1。男朋友既刺身上到黎，我地又係嘩嘩聲。首先，除左omakase坊間普通食壽司既地方唔會有咁多唔同魚既選擇，其次呢個價錢食到10款刺身，真係好難得食緊果時都有同老闆傾左兩句，原來請來既師傅有多年做omakase既經驗，魚生亦係按當天情況入貨既，唔怪得之咁新鮮。飲埋個湯同甜品，已經好飽好滿足。臨走果時老闆仲帶左我地參觀二樓，估唔到樓下地方唔大，上到黎原來可以容納咁多座位。成餐飯食得好滿足，除左食物性價比高值得欣賞外，服
平時去和安里都係因為happy hour完要醫肚，今次特登去就係要試呢間日本野。平日lunch hour好多人食，唔想排隊就無機會啦，只能等夜晚，因為相對黎講容易d攞位
望望餐牌，都幾多選擇。最後揀左北海道海鮮飯同16切自選刺身！
前菜係沙律同帶子裙邊，開胃醒神。
等左一陣，我個海鮮飯就送到啦！男朋友見到直情嘩一聲賣相非常精緻，魚生望落好新鮮好吸引。數左下，一共有7款餸，比較特別既係蟹肉，鮑魚，腌過既蜆仔同灸海老。海膽好鮮甜，鮑魚好入味，一d都唔老，灸海老肉質好彈牙，飯同魚生既比例係1:1。
男朋友既刺身上到黎，我地又係嘩嘩聲。首先，除左omakase坊間普通食壽司既地方唔會有咁多唔同魚既選擇，其次呢個價錢食到10款刺身，真係好難得食緊果時都有同老闆傾左兩句，原來請來既師傅有多年做omakase既經驗，魚生亦係按當天情況入貨既，唔怪得之咁新鮮。
飲埋個湯同甜品，已經好飽好滿足。
臨走果時老闆仲帶左我地參觀二樓，估唔到樓下地方唔大，上到黎原來可以容納咁多座位。成餐飯食得好滿足，除左食物性價比高值得欣賞外，服務亦都十分周到，侍應不時加茶，留意到我地唔夠豉油，又會主動問d飯夠唔夠食，好細心。
今次黎食晚飯，下次有機會既話，會黎試下happy hour, 因為見到佢都有提供唔同既sake, 配上新鮮刺身，感覺應該唔錯
張貼
