影片
更多
2023-10-11
1060 瀏覽
今次去𝟐𝟓:𝟎𝟎 @xxv.hr ❣︎ 呢個係一個喺走數日找數嘅post (文末講下點解)⋯⋯話說之前食完pizza後想落下場，見到𝟐𝟓:𝟎𝟎 bookmark咗咁耐又好似幾正咁，決定踩上去試下😚搭𨋢上到去有特別的開門技巧！唔開估，到時就會知🫣入到去裝修好有格調！同埋每款層次都好豐富，味道配搭好有創意 (褒意)，不枉此行！✂︎-----㋖㋷㋣㋷線-----✂︎1️⃣ 𝑭𝒖𝒍𝒍 𝑩𝒍𝒐𝒐𝒎 ($138)有被驚艷到❣️入口非常順滑，金酒透住小小櫻花香＋幾勁嘅西柚味🤌🏼平時我最怕西柚味，但佢嘅苦只有少少澀，苦味更重，更多係帶動酒嘅唔同層次，苦得其所👌🏼bartender介紹係將西柚皮放入離心機提取精華，感覺很高級的樣子呢✨同埋我覺得仲有陣炸脷嘅辣味，飲到最後嘅酒有啲鹹 (應該關鹽漬櫻花事)，層次真係好豐富🥹🩷呢杯酒模仿思念一個人嘅心路歷程：起初苦澀，伴隨微微辣味刺激，最後只餘眼淚滑入回憶嘅杯底，靜靜陪伴美好如花嘅記憶🌸呢杯係我見過少數真係做到佢backstory成個旅程嘅cocktail，超級無敵好評！😭❤️🔥朋友話酒味好重，我覺得一般般？對我嚟講係正常雞尾酒嘅口感，不過小甜酒選手要慎入喔🫶🏻(P.S.
今次去𝟐𝟓:𝟎𝟎 @xxv.hr ❣︎ 呢個係一個喺走數日找數嘅post (文末講下點解)⋯⋯話說之前食完pizza後想落下場，見到𝟐𝟓:𝟎𝟎 bookmark咗咁耐又好似幾正咁，決定踩上去試下😚搭𨋢上到去有特別的開門技巧！唔開估，到時就會知🫣入到去裝修好有格調！同埋每款層次都好豐富，味道配搭好有創意 (褒意)，不枉此行！
✂︎-----㋖㋷㋣㋷線-----✂︎
1️⃣ 𝑭𝒖𝒍𝒍 𝑩𝒍𝒐𝒐𝒎 ($138)
有被驚艷到❣️入口非常順滑，金酒透住小小櫻花香＋幾勁嘅西柚味🤌🏼平時我最怕西柚味，但佢嘅苦只有少少澀，苦味更重，更多係帶動酒嘅唔同層次，苦得其所👌🏼bartender介紹係將西柚皮放入離心機提取精華，感覺很高級的樣子呢✨同埋我覺得仲有陣炸脷嘅辣味，飲到最後嘅酒有啲鹹 (應該關鹽漬櫻花事)，層次真係好豐富🥹🩷
呢杯酒模仿思念一個人嘅心路歷程：起初苦澀，伴隨微微辣味刺激，最後只餘眼淚滑入回憶嘅杯底，靜靜陪伴美好如花嘅記憶🌸呢杯係我見過少數真係做到佢backstory成個旅程嘅cocktail，超級無敵好評！😭❤️🔥
朋友話酒味好重，我覺得一般般？對我嚟講係正常雞尾酒嘅口感，不過小甜酒選手要慎入喔🫶🏻
(P.S. bartender喺上酒介紹嘅時候＋過咗一陣都有過嚟問我：有冇掛住邊個呀？我嚴重中槍⋯⋯可以盲揀到一款咁fit自己現況嘅酒真係緣份)
2️⃣ 𝑯𝒐𝒏𝒆𝒚𝒃𝒆𝒆 ($138)
呢杯個樣超可愛！但我唔係好鍾意佢微微夾雜住嘅蜂蠟味🐝杯酒附帶嘅花花係可食用嘅，據說會有啲辣，但我食唔出🫣如果鍾意蜜糖＋厚實啲嘅質感，應該會幾鍾意呢杯🍯
3️⃣ 𝑻𝒆𝒂𝒓 𝑫𝒓𝒐𝒑 ($138)
呢杯以tequila做基調、果味加埋精釀西柚啤酒非常清新，係小甜酒！杯緣滾咗一圈rose salt，加埋tequila一下炸落喉嚨，係好有熱帶風情嘅tequila炸彈，據說靈感來自愛情嘅唔同面向，甜酸苦辣俱全，嗌佢唔會出錯😚
4️⃣ 𝑩𝒖𝒛𝒛𝒚 𝑺𝒒𝒖𝒂𝒅 ($138)
可能係今晚最神奇嘅味道👀呢杯摻咗蔘味嘅義大利庫司＋接骨木花，果然係bartender形容嘅「有酒精版花旗蔘蜜」，幾鍾意😋！不過朋友感覺一般 (more for me!)
5⃣️ 𝑺𝒕𝒂𝒓𝒓𝒚 𝑵𝒊𝒈𝒉𝒕 ($138)
呢杯果味重，裏面雖然有成塊西柚做點綴，但味道酸酸甜甜，非常清新，少見唔落梳打水都可以咁輕盈嘅口感☁️
6⃣️ 𝑺𝒌𝒊𝒏𝒏𝒚 𝑭𝒓𝒊𝒆𝒔
有被呢個薯條驚喜到！本身啲朋友上嚟前不停嘈住要食黑松露薯條，點搵俾佢哋啊⋯⋯上到嚟諗住求其嗌個薯條算，點知一入口，咦？黑松露味嘅？送酒一流，讚！🫶🏻
✂︎-----㋖㋷㋣㋷線-----✂︎
太鍾意呢間bar啦🥰bartender服務真係超好，一入座就會開始介紹佢哋嘅menu 留意！唔止係講「邊款邊款多人揀」/「邊款邊款啱女仔飲」，佢哋真係會拆開每杯嘅唔同成份做講解，同埋會講邊款會偏甜/酒味重，仲會介紹佢哋雞尾酒嘅創作理念，真係好用心😭🩷同埋可能星期一客唔多，bartender會同我哋吹下水，臨走嘅時候，bartender同我哋講星期五/六去飲酒嘅話，佢哋會煲湯俾我哋飲🫢本身諗住聽完就算，點知我返屋企先發覺漏咗個袋喺bar到！哎呀，真係唔好彩，惟有星期五開學日去攞返個袋＋飲湯啦😔🤝🏼🥃
點知真係連環不幸事件，蘇拉打到嚟，冇得出門被迫走數，惟有出住post期待下𝟐𝟓:𝟎𝟎第二彈！
37 瀏覽
0 讚好
0 留言
張貼
