Steak Bar (已結業)

早幾日同朋友去看七人欖球，完場即搭電車去中環覓食！原本想去蘭桂坊食小食、飲下嘢，但朋友覺得太餓，想食正餐，於是就找到位處石級路上坡的Steak bar，嘆下牛扒！原本以為只是普通扒房，想不到卻是臥虎藏龍，連吉列牛都有，二話不說立刻入去！——————————🔹吉列炸牛扒 $188耳聞日本的吉列牛許久，可惜沒機會試，今次終於誤打誤撞試到！吉列炸牛與細鐵板煎爐一齊上，另附小食、沙律及飯，堪比一個完整的日式定食。師傅先將牛肉裹上麵包糠炸至半熟，呈現外皮香脆、內裏嫣紅的狀態，再讓客人按個人喜好煎熟炸牛，做出最滿足的口感！我跟朋友都愛七成熟，待爐仔的溫度夠熱後，就開始放上牛扒，「滋….滋滋…」猛烈的火力將牛肉兩邊都燒得微焦，成功鎖住肉汁之餘，也達到心目中想要的熟度。蘸上細岩鹽及炸蒜片後直送口中，肉汁噴發，蒜香沖鼻，極致享受！ 🔸頂級板腱牛扒 $215看到餐牌上寫著「限量供應」，就毫不猶豫叫了一塊來試，滿足一下虛榮心；聽到侍應間的細談，才知我點的剛好是最後一塊，真幸運！板腱牛扒厚約1呎，比吉列牛厚實有牛味！今次叫了五成熟，肉汁更多更香；不過朋友好怕血水，所以放上小爐煮熟一點～除了中間有一條筋，比較難