影片
更多
2024-11-15
117 瀏覽
放工後想飲返杯野輕鬆吓，但飲酒嘅時候總會想食返啲香口野送酒！未食飯但又想飲返杯放鬆下，燒烤堂就啱晒你！餐廳設有中英文Menu，食物款式都幾多，一共分為11類！燒鳥、燒牛、燒羊/鴨、燒豚、手工必機卷物、海鮮、燒魚、前菜、得意作、穀物、野菜&甜品！白桃梅酒（杯）$58 生啤 $48先點2杯野飲飲住先，邊飲邊等串燒！白桃梅酒，酸酸好啱女仔！牛油芝士焗雜菇 $42最先黎到嘅係牛油芝士焗雜菇，滿滿嘅芝士好吸引，即刻食仲有拉絲效果，雜菇夠腍仲吸滿牛油，好香口孜然燒蒜蓉茄子 $36送到黎已經聞到好香嘅孜然蒜蓉味！茄子肉軟綿，蒜蓉夠晒多，絕對係惹味之選！送酒一流！蒜蓉蠔（兩隻）$44之後再黎幾款海鮮，蒜蓉蠔大大隻，燒完之後蠔身都非常飽滿，入口嫩滑無腥味～日式燒白鱔 $48燒白鱔價錢比出面平，但份量都十足，白鱔都幾厚肉同肥美，外皮就燒到脆脆地，好香口～紫蘇雞皮蝦 $48依加好興嘅雞皮蝦，雞皮燒到又薄又脆，蝦肉爽口彈牙，感覺有啲似連埋蝦殼一齊食！鹽燒豚肉荔枝卷 $22荔枝同豚肉依個組合相信一啲都唔陌生，清甜多汁啲荔枝配上咸咸地嘅豚肉，食多幾件都唔怕膩。牛油果豚肉卷 $28牛油果豚肉卷就會感覺飽肚啲，牛油果
放工後想飲返杯野輕鬆吓，但飲酒嘅時候總會想食返啲香口野送酒！未食飯但又想飲返杯放鬆下，燒烤堂就啱晒你！
餐廳設有中英文Menu，食物款式都幾多，一共分為11類！燒鳥、燒牛、燒羊/鴨、燒豚、手工必機卷物、海鮮、燒魚、前菜、得意作、穀物、野菜&甜品！
白桃梅酒（杯）$58 生啤 $48
先點2杯野飲飲住先，邊飲邊等串燒！白桃梅酒，酸酸好啱女仔！
牛油芝士焗雜菇 $42
最先黎到嘅係牛油芝士焗雜菇，滿滿嘅芝士好吸引，即刻食仲有拉絲效果，雜菇夠腍仲吸滿牛油，好香口
孜然燒蒜蓉茄子 $36
送到黎已經聞到好香嘅孜然蒜蓉味！茄子肉軟綿，蒜蓉夠晒多，絕對係惹味之選！送酒一流！
蒜蓉蠔（兩隻）$44
之後再黎幾款海鮮，蒜蓉蠔大大隻，燒完之後蠔身都非常飽滿，入口嫩滑無腥味～
日式燒白鱔 $48
燒白鱔價錢比出面平，但份量都十足，白鱔都幾厚肉同肥美，外皮就燒到脆脆地，好香口～
紫蘇雞皮蝦 $48
依加好興嘅雞皮蝦，雞皮燒到又薄又脆，蝦肉爽口彈牙，感覺有啲似連埋蝦殼一齊食！
鹽燒豚肉荔枝卷 $22
荔枝同豚肉依個組合相信一啲都唔陌生，清甜多汁啲荔枝配上咸咸地嘅豚肉，食多幾件都唔怕膩。
牛油果豚肉卷 $28
牛油果豚肉卷就會感覺飽肚啲，牛油果燒到好淋，連埋豚肉食，感覺有啲似配牛油果醬食，都幾特別。
鹽燒A4宮崎和牛 $58
食串燒點少得牛肉串，A4宮崎和牛肉質軟淋，仲帶有脂肪香添！
汁燒赤雞心 $22
無諗過雞心會咁肥咁大粒！每串有3-4粒視乎大細！入口外層有少少爽彈，有口感但唔會太韌。
蟹膏燒飯糰。明太子燒飯糰 $38
最後仲有2個飯糰，紫菜另上自己包，飯糰上面舖滿晒蟹膏/明太子，最鍾意佢啲飯燒到微脆，香口又有口感！
喺中環返工嘅話，放工可以過去輕鬆下~
📍📍📍📍📍📍📍📍📍
Skewer Kitchen 燒烤堂
Shop A, G/F, On Hing Terrace, 1 On Hing Terrace, Central
張貼
