Pho Bar (已結業)

去到叫咗兩個麵。一個係生熟美國牛肉麵，另一個係至尊麵。而麵底叫咗翠肉瓜麵，食落好爽口，食到翠肉瓜嘅脆度，幾特別👍。另一個係金邊粉，食到最後都唔會太淋。配菜方面，牛肉上枱時係半生熟，之後用熱湯令牛肉熟度啱啱好，而牛肉份量好多😍。而牛𦟌好淋好厚，好有口感。牛柏葉好爽。湯底方唔會太鹹，加埋不同種類嘅自選配料，可以調教出自己口味👍。小食叫咗爆炸雞，雞炸得好脆同多汁，而且炸粉唔會太厚，配搭埋提供果三個醬汁，每件雞都有唔同味。另外叫咗個紫菜薯條，薯條都好大條，而且熱辣辣，同樣有三個醬汁配搭，好好食😝！最後飲品係青檸梳打，味道清新冰涼！