三一餃子 (利源西街)

營業中

休息中

平日好多打工仔堂食/外賣，一定要等下位。舖頭唔大，得20個位左右，而且都坐得比較迫，都係快食快走嘅餐廳。*三一套餐 A+B $54水餃：蒜芯豬肉餃水餃皮薄，唔過過腍過硬。餡料份量未算好多，豬肉新鮮，配搭微微爽脆嘅蒜芯，口感豐富又清爽。湯頭一般，冇乜特色。特色餃子 +$9 蔥蔥子 (麻婆豆婆) V.見到冰花煎餃首先要俾個like！麵皮過咗陣依然脆卜卜，餃子完全唔會油腍腍，朝底嘅餃子皮仲保留住微微濕潤，真係「煎」出嚟。餡料份量正常，感覺比水餃少啲。將麻婆豆腐包入餡，軟綿綿嘅豆腐配清爽嘅蔥花係特別又唔錯。但面頭蛋黃醬應該唔係純素？平壤撈米線米線滑捋捋但偏腍，平壤撈係甜肉燥汁撈米，但冇肉燥，唔係好啱個人口味。