影片
更多
2022-07-20
1787 瀏覽
位於中環嘅微醺，印象中地點唔算太好搵，要行一陣先到。店名同店內裝潢都有種時尚前衛感，可惜地方唔算太大，食物賣相都幾有Gimmick，鍾意玩味食物嘅人士可以一試。微醺拼盤 $118拼盤內有幾款炸物，炸衣比天婦羅式更為薄些少。炸物包括鳳尾蝦、魷魚圈同杏鮑菇，額外有自家製黑松露芝士粉俾人撈勻調味，食落微鹹幾香口，鳳尾蝦尤其彈牙，比較印象深刻。半熟吞拿魚春卷．他他醬 $98呢款迷你版春卷裹以半生熟吞拿魚，配搭新穎又夠中西合璧。口感外脆內韌，吞拿魚再大塊啲會更滿足。蘸取埋他他醬同食，可以減低春卷皮嘅膩感。海蝦．魷魚．鮮蜆．冬陰功扁意粉 $238個人幾鍾意扁意粉嘅選擇，感覺令冬陰功嘅酸辣感更入味。配料主打用當季海鮮，例如有海蝦、魷魚、蜆等等，冬陰功則以椰奶做基底，食落有辣勁但唔會太過火。烤慢煮煙肉西班牙豬柳卷 $388豬柳卷比想像中厚身同大塊，豬柳以煙肉包裹，再經低溫慢煮，表層淋上自製芥末籽蜜糖燒汁，入口腍軟，可惜味道略鹹。義大利芝士蛋糕 $68以偽雪糕筒盛載嘅芝士蛋糕，內藏大量吉士醬，面層有雜果、繽紛樂脆條、Pocky同朱古力粉，入口幾軟滑，但整體驚喜唔大。Pina Colada $118以嬰兒
微醺拼盤 $118
拼盤內有幾款炸物，炸衣比天婦羅式更為薄些少。炸物包括鳳尾蝦、魷魚圈同杏鮑菇，額外有自家製黑松露芝士粉俾人撈勻調味，食落微鹹幾香口，鳳尾蝦尤其彈牙，比較印象深刻。
半熟吞拿魚春卷．他他醬 $98
呢款迷你版春卷裹以半生熟吞拿魚，配搭新穎又夠中西合璧。口感外脆內韌，吞拿魚再大塊啲會更滿足。蘸取埋他他醬同食，可以減低春卷皮嘅膩感。
海蝦．魷魚．鮮蜆．冬陰功扁意粉 $238
個人幾鍾意扁意粉嘅選擇，感覺令冬陰功嘅酸辣感更入味。配料主打用當季海鮮，例如有海蝦、魷魚、蜆等等，冬陰功則以椰奶做基底，食落有辣勁但唔會太過火。
烤慢煮煙肉西班牙豬柳卷 $388
豬柳卷比想像中厚身同大塊，豬柳以煙肉包裹，再經低溫慢煮，表層淋上自製芥末籽蜜糖燒汁，入口腍軟，可惜味道略鹹。
義大利芝士蛋糕 $68
以偽雪糕筒盛載嘅芝士蛋糕，內藏大量吉士醬，面層有雜果、繽紛樂脆條、Pocky同朱古力粉，入口幾軟滑，但整體驚喜唔大。
Pina Colada $118
以嬰兒奶樽造型杯盛載嘅Pina Colada，賣相相當有心思，充滿童趣感。味道同普通Pina Colada無異，菠蘿味較重。
張貼
