Miso (已結業)

星期五，忙了一星期，又係時候奬勵自己，食番餐好的。腦中忽然閃過MISO，因為之前朋友曾推介過，加上信用卡又有優惠，即刻訂枱。進場時七時半，餐廳已有七成滿，兩人點了以下菜式︰薑汁辣味牛肉拉麵︰個湯味道太濃，麵太腍不夠彈牙，不及格。蒜片牛柳粒炒飯︰只有牛肉碎，但個飯就炒得幾好食。鐵板炒露筍雜菌︰因為露筍同雜菌本身都好味，只係略炒都會好食。鐵板牛舌︰牛舌好腍，好香牛味，另有雜菜伴碟，跟牛舌一起吃就冇咁「漏」。豆腐布甸配黑糖花生碎︰估唔到呢個甜品咁好食，喜出望外，豆腐味好濃又唔會太甜，推介！Ginger creme brulee配綠茶雪糕︰creme brulee有辣味但食唔出薑味，但係都好食; 一般的綠茶雪糕。兩枝啤酒服務好貼心，抵讚！不過美中不足係上菜時間好慢(可能今晚人客太多的關係)，有兩道菜要追侍應跟進才上枱。而且上枱時間不能同步(一個人食完另一人的菜還未上枱)，最好能控制出菜的時間。埋單三百多元(AE白金卡優惠)，都幾抵，正價都可以接受，尤其佢有套餐供應。