白鬍子炸魚薯條 (已結業)

呢日去完尖沙咀，就同老公搭船過海返過黎港島呢邊。去到中環碼頭附近，一陣海風吹埋黎，有陣好香嘅薯條味，突然之間就肚餓到拉住老公陪我去搵。原來就喺隔離個7號碼頭。呢間白鬍子，其實次次搭船都會聞到呢陣香味，但次次都要趕船而無得搵 今次終於有機會啦~呢間店的店面不大，只布兩張小檯，數張椅子，但幫襯嘅人都唔少~餐牌同價錢就係佢地店鋪的牆，SHOW 曬D野食出黎，如果需要D特別嘅醬，就要加錢架啦~首先我地揀左呢個檸檬黑椒炸魚薯條，實在令人懷念起英國的美食呀!薯條同炸魚都是現炸的，所以都需要等一等嘅薯條同炸魚都炸得好乾身，一D都唔油，魚肉好滑，仲要無骨，加上外面的粉槳好薄，真係好好食~  另外我地仲點左魷魚圈籃，呢個魷魚圈嘅粉槳同樣好薄，而且魷魚圈中的魷魚亦不會好UN配合埋自選醬料，分別係他他醬及蒜蓉蛋黃醬。再點了一杯柚子蜜，消消熱氣的感覺。偶爾跟老公悠閒的走走吃吃，其實都幾開心架~食完再去行街，挺不錯