賞櫻 (裝修中)

來賞櫻就好似去咗日本嘅心情🗾先來一盒四式前菜，最特別係雞泡魚天婦羅🍤之後就到刺身四回，特別鍾意佢哋嘅擺盤超靚😍先上味道較清嘅貝類刺身，活北寄貝超甜，赤貝幻彩杯同松葉蟹凍都好開胃爽口💕最深刻係經過兩次蘋果目煙燻嘅刺身，香氣留喺表皮中食到魚肉嘅鮮味🤤秋天梗係要食鮟鱇魚肝，師傅輕輕燒咗表面，將油香味逼出，加上酸汁蛋白泡一齊食超正💖佢哋嘅帆立貝仲加咗自家製海膽粉，食到啖啖鮮味同甘味。主角仲有我最鍾意食嘅牡丹蝦，爽口鮮甜仲有蝦膏添🤫熟食有八爪魚足油煮，超入味！！同埋唔會好似其他店咁煮到太軟身，呢度嘅煮法仲保留到少許煙銀嘅口感🥳壓軸出場仲有手卷，大拖羅加中拖羅包紫蘇葉無敵嘅組合🤩壽司方面仲有吞拿魚面頰肉，用生菜包住更清新🥬