影片
更多
2024-02-22
612 瀏覽
出中環開工，諗住隨便搵間唔使排隊可以直入的餐廳，咁見到佢lunch menu的鑊仔好似幾有趣，咁就坐低試吓。好彩早入座，坐低無耐就滿坐😆蘋果雞肉迷你鑊仔 $128鑊仔的表面有好多芝士，味道非常香濃，真係望見都流口水🤤鍋邊位的薯仔粒粒食落好脆身，鍋中間就好軟腍好多芝士，口感同味道都幾特別。雞肉比想像中大塊，仲以為會係雞丁🤣食落唔會好乾，mix埋蛋漿都唔錯。青蘋果好香甜，尤其係鍋底被烤過個d，食落更甜，都幾好食。跟餐沙律沙律的蜜瓜勁甜，都叫有少少驚喜，沙律菜都新鮮，都唔錯👍🏻窩夫 半份窩夫淋滿朱古力醬，切開都feel到鬆化，食落仲暖暖哋，不過味道偏淡，唔算太甜。桂花latte +$23.5就咁飲桂花味非常淡，一定要搞勻先飲到桂花味，可能桂花糖沉哂底🤔️成杯latte最欣賞佢的匙羹，係咬咗一啖的窩夫形狀，勁過癮🤣Green Waffle Diner (擺花街) (中環)中環擺花街43號地舖*上述文章只供參考及以當時價格為準
出中環開工，諗住隨便搵間唔使排隊可以直入的餐廳，咁見到佢lunch menu的鑊仔好似幾有趣，咁就坐低試吓。好彩早入座，坐低無耐就滿坐😆
蘋果雞肉迷你鑊仔 $128
鑊仔的表面有好多芝士，味道非常香濃，真係望見都流口水🤤鍋邊位的薯仔粒粒食落好脆身，鍋中間就好軟腍好多芝士，口感同味道都幾特別。
雞肉比想像中大塊，仲以為會係雞丁🤣食落唔會好乾，mix埋蛋漿都唔錯。
青蘋果好香甜，尤其係鍋底被烤過個d，食落更甜，都幾好食。
跟餐沙律
沙律的蜜瓜勁甜，都叫有少少驚喜，沙律菜都新鮮，都唔錯👍🏻
窩夫 半份
窩夫淋滿朱古力醬，切開都feel到鬆化，食落仲暖暖哋，不過味道偏淡，唔算太甜。
桂花latte +$23.5
就咁飲桂花味非常淡，一定要搞勻先飲到桂花味，可能桂花糖沉哂底🤔️成杯latte最欣賞佢的匙羹，係咬咗一啖的窩夫形狀，勁過癮🤣
Green Waffle Diner (擺花街) (中環)
中環擺花街43號地舖
*上述文章只供參考及以當時價格為準
張貼
