+-x茶 (永吉街) (已結業)

果日同朋友食完午餐，佢話有新既茶飲店，就去試下 。應該係新開既關係，全間鋪無人無隊，好輕鬆舒服就買到喇。叫左個熱既紅棗雪耳杏仁鮮奶。我問佢可唔可以走甜，佢話可以，不過都提醒番杯野本身會甜甜地。最怕啲一早溝好哂添加糖既店鋪，所以抵讚！飲落幾好飲。絕對會番轉頭幫襯。杏仁奶幾香，雪耳煲得幾綿，佢有雪耳渣，所以會食到綿綿既雪耳。都會食到紅棗片，而紅棗味濃，都煲入左個奶度，所以個奶會有陣陣既甜，所以個人建議真係唔洗加糖。