Feast Oyster Bar and Restaurant (已結業)

𓆸 Feast Oyster Bar & Restaurant 餐廳位於中環街市旁邊好方便, 環境清幽, 有幾張梳化位, 坐得幾舒適。𓊈Raw Oyster Platter $𝟸𝟿𝟾𓊉餐廳做緊promotion, 價錢已經包咗12隻時令生蠔同一支白酒。生蠔係韓國桶蠔, 味道充滿濃厚嘅海水味, 會比較鹹, 口感爽滑。白酒帶有濃郁果香, 口感比較豐富, 味道偏酸, 生蠔同白酒非常相襯。𓊈溫泉蛋卡邦尼闊條麵配巴馬火腿乾 $𝟷𝟻𝟾𓊉巴馬火腿乾脆卜卜, 充滿鹹香味, 闊條麵面層舖滿芝士碎, 裡面有好多煙肉粒, 溫泉蛋唔係流心比較凝固, 口感幾特別, 卡邦尼醬汁好creamy, 闊條麵條條都掛滿汁。𓊈香蒜白酒蜆肉扁意粉 $𝟷𝟽𝟾𓊉扁意粉味道偏辣, 口感煙韌, 蜆肉帶有白酒味幾香濃惹味。