影片
更多
2021-09-16
141 瀏覽
鬧巿中的時光之旅—I-O-N Cafe Bistro被列為三級歷史建築的中環街巿，曾是現代街巿的先驅，但2003年停業後一度面臨清拆，最後經保育活化，變成今日的文青打卡聖地。中環街巿活化項目以「親」、「動」、「融」為主題元素，讓大家一起探索並延續其故事及發掘中環街市全新一頁，讓昔日的社區人情味延續下去。活化後的中環街市集飲食、購物和展覽於一身，引入逾70間食肆、懷舊店舖、文青小店等，當中有海味舖和米業老字號進駐復修檔口，承接傳統意義。食肆方面，由地面層的「Dining Ground」到二樓美食街，集咖啡店、酒吧、老字號、懷舊小食、新派美食、港式燒味、中西日料理等一應俱全。今次雲遊大思試食的係位於１樓的中環街巿人氣店I-O-N Cafe Bistro。全落地玻璃窗設計，引入自然光，感覺光猛舒服；開放式廚房及吧枱，客人可以睇住廚師煮食同埋咖啡師沖泡咖啡，感覺親切。座位之間好闊落，坐得好舒服。不過用餐時間只有１個鐘，略嫌食得有啲急趕，如果想慢活嘆咖啡小食的朋友，可能要考慮一下用餐時間。菜式方面，I-O-n主打一站式餐飲體驗，提供一系列新派西菜、經典甜品、糕點及輕食。原來I-O-N Cafe
被列為三級歷史建築的中環街巿，曾是現代街巿的先驅，但2003年停業後一度面臨清拆，最後經保育活化，變成今日的文青打卡聖地。中環街巿活化項目以「親」、「動」、「融」為主題元素，讓大家一起探索並延續其故事及發掘中環街市全新一頁，讓昔日的社區人情味延續下去。活化後的中環街市集飲食、購物和展覽於一身，引入逾70間食肆、懷舊店舖、文青小店等，當中有海味舖和米業老字號進駐復修檔口，承接傳統意義。
食肆方面，由地面層的「Dining Ground」到二樓美食街，集咖啡店、酒吧、老字號、懷舊小食、新派美食、港式燒味、中西日料理等一應俱全。今次雲遊大思試食的係位於１樓的中環街巿人氣店I-O-N Cafe Bistro。
全落地玻璃窗設計，引入自然光，感覺光猛舒服；開放式廚房及吧枱，客人可以睇住廚師煮食同埋咖啡師沖泡咖啡，感覺親切。座位之間好闊落，坐得好舒服。不過用餐時間只有１個鐘，略嫌食得有啲急趕，如果想慢活嘆咖啡小食的朋友，可能要考慮一下用餐時間。
菜式方面，I-O-n主打一站式餐飲體驗，提供一系列新派西菜、經典甜品、糕點及輕食。原來I-O-N Cafe Bistro係由如心酒店集團打造的全新甜點品牌 Nina Patisserie結合而成。為迎合大眾口味，部分菜式加入本地元素，如自家製話梅紅菜頭醃三文魚秋葵蘋果沙律、蝦醬海鮮意大利麵，叉燒醬鱈魚，喜歡試創新口味的朋友不要錯過。
雲遊大思今日同朋友試食的係Set Lunch，有沙律同主５款主菜任你揀。
🥗大澳凱撒沙律
屬於全個午餐中最好食部份，沙律醬同沙律菜份量配搭得啱啱好，凱撒沙律醬對比傳統的較清新，少酸味，唔錯唔錯。但唯一敗筆的地方係配菜的麵包，硬到咬唔開，結果雲遊大思係全舊無食到。
🐟香煎爐魚配刁草忌廉汁
爐魚煎得好香，魚皮煎得好脆，帶有少少黑椒香味，不過魚身有啲鹹。焗薯同配菜係全碟最好味。建議下次煎魚時鹽可以放輕一點。
🥩澳洲黑安格斯西冷（６安士）
５成熟的西冷，上碟變左7-8成，略嫌有啲老；而且毫無肉汁、牛扒無肉味；烹煮手法略嫌少少差，無西式扒房煎出嚟牛扒的香脆口感。雲遊大思得出一個結論係：舊牛扒應該質素一般。建議餐廳可以考慮一下食材的選用。
☕咖啡
I-O-n賣的係精品咖啡，又都有茶類和雞尾酒。據知，咖啡豆係嚟自鮮見的南美波利維亞，屬於高山咖啡豆，苦澀味較低，難怪雲遊大思覺得杯咖啡口味同平時coffee shop的好唔同，店內有虹吸方式的炮製，可以用嚟沖咖啡同茶。
地址：中環皇后大道中93號中環街市1樓124-125號舖
整體評分：５.5分
整體環境簡約，坐得舒服，店員有禮，不過用餐時間太短，食物質素普通，以呢個價錢應該有好多其他選擇。不過如果純粹想打卡的話，可以叫甜點同咖啡，雲遊大思見佢啲cake好似幾吸引，幾精美。
雲遊大思列為屬「有待改善級別」。
#cloudtourmaster #hkfoodies #centralmarket #香港美食 #美食推薦 #中環美食
張貼