霸王風味 (已結業)

中環要找一間有水準收費又唔太貴的京川滬餐廳都唔容易！可能霸王風味會係其中一間。餐廳是要上一樓、可能因此今晚唔係太多人。餐廳燈光偏暗裝修簡單！招牌小籠包、小籠包大大隻又熱騰騰、包皮又薄又晶瑩、湯汁包裹在小籠包內，夾起都冇穿、入口湯汁四濺又帶點燙口。湯汁連豬肉一起食用，味道十分豐富。蜜汁火方香噴噴。火方是赤紅色的瘦肉連着透明的肥肉，烘得鬆香，切成薄片上碟。再配合炸得香脆的腐皮及青翠的青瓜，整體賣相幾靚！吃用時用饅頭夾一片火腿、青瓜加上一片炸透的腐皮食用，火腿酥香味混合上鬆脆腐皮，入口嘴饞時還可以聽到腐皮卜卜脆的聲音，加上火腿又混合了少許濃郁的桂花蜜糖汁，非常融和又有層次！麻醬撈麵，麻醬份量剛剛好唔太多、靑瓜切成幼絲配合偏粗的麵條，麻醬入口芝麻味都幾濃郁、麻醬撈在爽口的麵和青瓜絲一起食用、涼涼的，有點食日本沾麵的感覺，都幾清新！高力雪糕，外表都幾企身，脹卜卜、入口雪糕溶解在口腔內，又熱又凍的口感，有點奇怪的感覺！今晚點算的菜餚簡單、出品唔錯，服務都好到位，收費又合理！