JUICY Fresh Juice Bar (已結業)

前陣子跟朋友去離島玩，經過香港站，發現呢度開咗韓國過江龍果汁店Juicy Fresh Juice Bar！呢間店我在韓國旅行時，都有買過嚟飲，我幾鍾意佢哋嘅果汁，全都即叫即榨，夠晒新鮮！睇到佢嘅造型，初初以為實好甜膩，點知飲上口，呢杯反而最唔甜！我本身飲廢水都要微糖，呢度嘅草莓拿鐵對我嚟講啱啱好，所以好甜嘅人可能會覺得唔夠喉，記得主動要求多糖哦！草莓拿鐵底層係明治牛奶，中間係由草莓、果糖及鹽打成，頂部則係忌廉及鮮草莓，口感好豐富～飲上口唔會好似出面嘅草莓特飲，有啲好假嘅果糖味，而係啖啖果肉，有股清新嘅草莓香，整體嚟講都唔錯。天氣熱，真係好想飲酸甜嘢去解膩，所以揀咗呢款🙈同埋佢一半芒果沙冰，一半草莓沙冰，個造型都幾吸引～哈哈～飲管桔到落底，先會試到芒果沙冰，呢層較甜，芒果味好濃，勁清新！然後飲飲下，開始係較酸嘅草莓沙冰層，兩隻味撞埋一齊，酸酸甜甜，消暑度一流！不過可能芒果味濃，去到最後反而飲唔太出草莓味～P.S. 佢哋嘅果汁係即叫即製，等嘅時間會耐啲～今次我就等咗約15分鐘～趕時間嘅朋友要注意～