亞參雞飯 (威靈頓街)

營業中

休息中

放工朋友介紹，話公司附近新開有間叫「亞參雞飯」嘅餐廳幾好食，店名有得雞飯兩隻字，應該雞飯就最出名嘅，但我就懶特別走去叫豬手飯！冇計啦突然想食！餐廳都幾快手，等一陣間就有得食啦！未放入口就已經聞到豬手嘅香味，感覺係可以送到兩碗飯！放工超肚餓嘅我急不及待夾一嚿放入口。嘩！好好味呀！豬手肉質係腍軟鬆化，豬手皮帶膠質有咬口，如果皮同肉一齊食，更加係口感一流！正呀喂！認真如果中環係呢個價錢有咁嘅質素，算係性價比高嘅餐廳！