S2 Kitchen (已搬遷) 新店位置

中環呢一間居酒屋， 都算得上係隱世食堂。 其實佢地理位置都好方便， 地鐵站行過去都只係十分鐘路程。 入到去環境舒適， 而且裝修風格都好日式居酒屋feel。睇完menu決定要沙律小食同一個主食。 沙律方面我叫咗個日本蕃茄沙律， 佢嘅日本蕃茄好甜， 配埋酸酸嘅沙律醋 ，好新鮮好好食， 係一道理想嘅開胃菜。小食方面我叫咗芝麻雞翼， 佢嘅芝麻雞翼外脆內軟， 將雞翼嘅肉汁鎖在係脆脆嘅皮內，好juicy好好食，上碟嘅時候仲熱辣辣。另外叫咗個炸芝士魚餅， 呢個真係要讚佢，剛剛炸起嘅魚餅，咬落去好多芝士喺魚餅度流出嚟，超好食。煮食方面叫咗一個蟹子露筍明太子炒飯， 炒飯賣相好吸引， 有爽口嘅露筍同蟹子， 配埋鮮味，嘅明太子成個飯， 好match。整體嚟講嘢食水準唔錯。