Picada (已結業)

今晚同朋友食飯，就選咗呢間拉丁菜試吓。前菜: 牛油果醬栗米脆片- design your guacamole 呢個係必點，因為菜式會喺你面前即製，打卡一流。餐廳經理喺我哋旁邊放咗張細枱，上面放滿左原材料，包括由牛油果，粟米片，仲有唔少調味，如香料芝士煙肉青檸等。首先將切開了嘅牛油果放喺大碗上，再放上基本調味如洋蔥黑椒煙肉芝士鹽等等。經理十分細心，不停叫我們試味，睇下咩調味啱我哋口味。最後將牛油果同調味混合成為牛油果蓉。配上粟米片吃健康又美味。主菜: 燒豬腩肉，彩虹三文魚經理推介我們點佢哋嘅三文魚，顏色豐富，三文魚配上熱情果醬，感覺清新。另外配上大量蔬菜，和酸酸甜甜的汁，幾好味。另一款我們點左豬腩肉，肉質唔肥膩，又脆身，非常香口野味。我覺得呢個比三文魚更出色。底下面配上紫薯蓉，香甜軟滑，比平時食嘅薯蓉更夾，加分。而另外叫上嘅甜品，雖然選擇唔多但味道都唔錯。我覺得呢度有放心機在配菜上，每一道菜配上嘅伴碟都唔同，但都和主菜好夾。每碟菜顏色都好豐富，好睇又好味。推介。