影片
更多
2018-06-03
484 瀏覽
無意中係OpenRice見到呢間有西式裝修，不過係食點心嘅餐廳，於是今日就同朋友嚟試吓啦餐廳係蘭桂坊唔難搵，不過餐廳喺8樓，要行兩層樓梯再轉升降機先到午市點心價錢介乎30幾至40幾蚊，唔算特別貴，不過每分只係得兩件大部份食客嚟到呢度都會選擇午市套餐，價錢係198+1 ,另外咖啡或茶要加＄20點心有兩款，有蝦餃王以及海苔素粉粿，蝦肉好大粒，而且外層嘅餃皮晶瑩剔透點左竹笙瑤柱燉螺頭，竹笙好大塊，而且咬落去感覺到竹笙索左好多湯汁好入味，同時保留爽脆口感，螺頭夠軟腍而且鮮味十足，另外加上幾粒杞子，感覺更養生下次嚟都會再飲呢隻湯朋友點左呢款煙三文魚沙律，三文魚有四片，沙律菜亦都好新鮮，不過自己覺得最好食嘅係鮮蕃茄咕嚕肉有雞肉或者豬肉揀，我哋就選咗豬肉，咕嚕肉脆卜卜，但炸粉又唔會太厚，咬落口啖啖肉，配上味道同樣係酸甜嘅石榴粒以及西柚粒味道更是絕配， 我同朋友都大讚咕嚕肉炒得好好食蔥爆牛肉份量比預期中少，但牛肉炆得夠腍， 而且醬汁亦夠惹味餐廳有絲苗白飯或者荷葉飯供選擇，我哋兩個都揀咗荷葉飯，分量有點似珍珠雞，餐廳好貼心咁喺荷葉飯上面剪一個開口，令食客方便食用，荷葉飯味道有啲似炒飯，裏面有瑤柱荷葉飯同
餐廳係蘭桂坊唔難搵，不過餐廳喺8樓，要行兩層樓梯再轉升降機先到
午市點心價錢介乎30幾至40幾蚊，唔算特別貴，不過每分只係得兩件
大部份食客嚟到呢度都會選擇午市套餐，價錢係198+1 ,另外咖啡或茶要加＄20
點心有兩款，有蝦餃王以及海苔素粉粿，蝦肉好大粒，而且外層嘅餃皮晶瑩剔透
點左竹笙瑤柱燉螺頭，竹笙好大塊，而且咬落去感覺到竹笙索左好多湯汁好入味，同時保留爽脆口感，螺頭夠軟腍而且鮮味十足，另外加上幾粒杞子，感覺更養生下次嚟都會再飲呢隻湯
朋友點左呢款煙三文魚沙律，三文魚有四片，沙律菜亦都好新鮮，不過自己覺得最好食嘅係鮮蕃茄
咕嚕肉有雞肉或者豬肉揀，我哋就選咗豬肉，咕嚕肉脆卜卜，但炸粉又唔會太厚，咬落口啖啖肉，配上味道同樣係酸甜嘅石榴粒以及西柚粒味道更是絕配， 我同朋友都大讚咕嚕肉炒得好好食
蔥爆牛肉份量比預期中少，但牛肉炆得夠腍， 而且醬汁亦夠惹味
餐廳有絲苗白飯或者荷葉飯供選擇，我哋兩個都揀咗荷葉飯，分量有點似珍珠雞，餐廳好貼心咁喺荷葉飯上面剪一個開口，令食客方便食用，荷葉飯味道有啲似炒飯，裏面有瑤柱
荷葉飯同咕嚕肉味道好夾
朋友點左呢個椰子奶凍，佢話椰汁味唔算重，奶味就好香濃，配上開胃酸甜醬汁，令到炎炎夏日頓覺冰涼
個人極度推薦呢道「奶黃小甘筍配擂沙湯圓」，小甘筍其實係由薄薄嘅麵粉炸成，裏面包住甜而不膩嘅奶黃，三兩口就比我食晒擂沙湯圓軟綿綿，煙韌有嚼口，入面嘅黑芝麻甜度恰到好處，令到我對呢度嘅甜品刮目相看
埋單每人約$220，價錢合理， 而且服務亦算周到。
張貼
