影片
更多
2019-05-29
974 瀏覽
「辛苦搵黎志在食」講得好啱，返工咁辛苦，點解唔對自己好少少食好啲。但食好啲又唔一定貴夾唔飽，蘇區附近就有間性價比幾高嘅意大利餐廳。可能要上樓嘅關係，人流唔算特別多，去到就有位。加上餐廳唔會排到啲枱好密，空間感好夠，感覺好舒服。我地坐左一陣，侍應已經serve麵包，麵包煙韌有咬口，係我鍾意嗰type。（當然哩個就好講個人口味，有人鍾意台式軟綿綿嘅質地。）講番嘢食，Bruschetta係我其中一種最鍾意嘅意式傳統前菜。烘過嘅多士，脆口而唔乾身，上面舖滿切成細粒嘅新鮮蕃茄。蕃茄除左味道清甜，充滿水份，亦都會用適量嘅新鮮蒜頭、basil、同橄欖油調味，提昇味道，不流於單一。呢個前菜好多意大利餐廳都有，但有啲會將番茄過分調味，蓋過鮮味，或者蕃茄過於濕潤，令多士唔脆，濕濕臘臘。但哩間餐廳完全冇哩個問題。輪到主菜，揀左Spaghetti Pesto。Pesto係意大利經典醬汁之一。本身哩個意粉冇肉，但唔會味寡，適量嘅Pecorino DOP cheese同埋Parmigiano Reggiano IGP cheese，為意粉帶黎咸香。意粉雖然唔係新鮮手製，但都煮得恰到好處，爽口彈牙。再加埋lunch
可能要上樓嘅關係，人流唔算特別多，去到就有位。加上餐廳唔會排到啲枱好密，空間感好夠，感覺好舒服。
我地坐左一陣，侍應已經serve麵包，麵包煙韌有咬口，係我鍾意嗰type。（當然哩個就好講個人口味，有人鍾意台式軟綿綿嘅質地。）
講番嘢食，Bruschetta係我其中一種最鍾意嘅意式傳統前菜。
烘過嘅多士，脆口而唔乾身，上面舖滿切成細粒嘅新鮮蕃茄。蕃茄除左味道清甜，充滿水份，亦都會用適量嘅新鮮蒜頭、basil、同橄欖油調味，提昇味道，不流於單一。
呢個前菜好多意大利餐廳都有，但有啲會將番茄過分調味，蓋過鮮味，或者蕃茄過於濕潤，令多士唔脆，濕濕臘臘。但哩間餐廳完全冇哩個問題。
輪到主菜，揀左Spaghetti Pesto。
Pesto係意大利經典醬汁之一。本身哩個意粉冇肉，但唔會味寡，適量嘅Pecorino DOP cheese同埋Parmigiano Reggiano IGP cheese，為意粉帶黎咸香。意粉雖然唔係新鮮手製，但都煮得恰到好處，爽口彈牙。
再加埋lunch set 可以揀紅/白餐酒，淺嚐一杯，無傷大雅，反而更覺享受。
後記：
講左咁多，成餐其實只係$138。
中環食好啲，再加埋有酒飲，實在對得住個價錢有突。當然如果想再食得豐富啲。仲有pizza、burger同埋steak 選擇。
張貼
