潮江春 (怡和大廈) (已結業)

午飯又來到中環的食堂潮江春，因為已經嚟過好多次，所以一早已經order了食物，坐低就係等上菜！因為我哋一行八人，所以安排咗一間房俾我哋，分咗三張枱坐！先來一下炸魷魚鬚，這個是必食的，外面香脆入面爽彈，做得好好！鳳爪粉果蝦餃也是必點的項目，皮薄餡靚，尤其鳳爪炆得好稔！燒賣大大粒，啖啖肉，我真係一人都可以食一籠！滷水鵝片拼海蜇也是名物，海蜇爽脆彈牙，鵝片肥瘦適中，鵝味濃。還有這裏的糖醋麵和黃金炸魚皮，必食的！糖醋麵大大餅，煎得金黃香脆，加上少少醋和糖，簡直令人食唔停口！咸蛋黃魚皮是邪惡之物，並非度度都有得食，就算有得食都未必做得好，但這裏的咸蛋黃金香非常，仲有魚皮香脆大大塊，令人食唔停口。最後係我的愛杏仁茶和紅棗糕，短短的午餐劃上完美的句號！中環的潮江春，真係樣樣出品都正，食10次10次都會覺得好好食。