金御海鮮酒家 (皇后大道中)

營業中

休息中

如果一大班同事喺中環區飲茶，我就會諗起金御海鮮酒家，位置就喺Donki附近，價錢亦唔算太貴嘅酒樓。比較推薦嘅係墨魚餅同埋鮮蝦腐皮卷，上枱嘅時候熱辣辣，應該係即叫即炸，墨魚餅釀咗少許粟米喺入面，食落去非常彈牙，好高質；另外鮮蝦腐皮卷，腐皮好脆，鮮蝦爽口。另外推介嘅係海蜇手撕雞，海蜇脆身爽口，手撕雞係粒狀，兩款食物配埋幾特別。今次仲叫咗燒賣同埋牛柏葉，燒賣大大粒，上面有好大隻蝦，豬肉口感亦算新鮮。另外牛柏葉用咗蘿蔔絲同埋少少薑絲一齊蒸，食落口亦好爽脆。