影片
更多
2023-08-01
31 瀏覽
今日臭屁熊🐻❄️著得靚靚咁嚟中環行街，梗係唔可以嘥左佢精心嘅打扮，陪我排隊食拉麵🍜，所以就特登上網揾左間可以打卡嘅西餐廳，帶臭屁熊享受峇里風情！😎呢間餐廳係中環嘅中心地帶，位於擺花街嘅樓上舖，入到去見到啲裝修就知冇揀錯！大門同室內嘅擺設都好靚好用心，滕椅木製嘅傢俬同植物裝飾，仲有陣淡淡嘅香味，充滿度假嘅異國風情，另有亦有露天雅座，整體氛圍加埋柔和嘅燈光令人超放鬆，坐得好舒服，拍拖約會、朋友聚會，呢度係個唔錯嘅選擇！主打峇里島風格西餐，中西泰混合fusion菜，選擇都算多。我地揀左2個Set Dinner($398),包Soup + Main course + Dessert。另外加錢追加小食同沙律; 價錢中上，值得一讚嘅係，除咗服務好同食物味道水準好之外，擺盤賣相非常精緻有心思，每道菜式都用左食用花做裝飾🌸🌼，食得賞心悅目，又適合打卡，推介👍🏻_➤軟殼蟹沙律🥗(+$58)大大隻炸軟殼蟹係面頭，唔會炸到乾晒或者好油膩，食落香脆，仲食到啲蟹肉、蟹膏同肉汁，好好食; 沙律配左日式芝麻醬，冇苦澀味，好fresh，作為前菜非常開胃➤香脆薯條配黑松露醬🍟(+$88)屬於幼身嘅薯條，即叫即炸，炸到好
主打峇里島風格西餐，中西泰混合fusion菜，選擇都算多。我地揀左2個Set Dinner($398),包Soup + Main course + Dessert。另外加錢追加小食同沙律; 價錢中上，值得一讚嘅係，除咗服務好同食物味道水準好之外，擺盤賣相非常精緻有心思，每道菜式都用左食用花做裝飾🌸🌼，食得賞心悅目，又適合打卡，推介👍🏻
_
➤軟殼蟹沙律🥗(+$58)
大大隻炸軟殼蟹係面頭，唔會炸到乾晒或者好油膩，食落香脆，仲食到啲蟹肉、蟹膏同肉汁，好好食; 沙律配左日式芝麻醬，冇苦澀味，好fresh，作為前菜非常開胃
➤香脆薯條配黑松露醬🍟(+$88)
屬於幼身嘅薯條，即叫即炸，炸到好脆身，可以配黑松露蛋黃醬，雖然都係普通炸薯條，但食落比其他餐廳好食，食唔停口！
➤冬蔭公脆米湯🫕
呢個推薦! 非常足料，每碗都有2隻青口同2隻蜆，食落有鮮味，一啲都唔腥，除此之外仲有菇、車厘茄同脆米通，令到碗湯飲落口感豐富; 湯另外用透明茶壺上，湯嘅味道幾好，有椰香，酸酸辣辣好開胃
➤檸檬蜜糖烤雞肉串燒🍢(+$88)
雞肉串燒好大條，一串有三件大大舊嘅雞肉件，起哂骨，肌肉熊表示個到應該有半塊大雞排咁多肉。用左香茅、檸檬同蜜糖燒，甜甜地帶有微微焦香味，肉質非常嫰滑，好juicy多肉汁😛😛 就咁食都已經好好味，不過重口味啲可以加埋泰式酸辣醬食，更加惹味
➤紅蝦意粉配龍蝦辣汁🍝
兩大隻紅蝦破左邊，食落去好方便，面頭嘅蒜蓉辣椒醬開胃惹味。值得一提係個意粉，份量都幾多，調味鹹淡適中帶點微辣，充滿濃郁嘅龍蝦味，好似用左龍蝦湯煮咁，但意粉又唔會比醬汁浸到太淋，有嚼勁，岩岩好掛左啲汁上去，幾好食
➤西班牙烤乳豬🍖(+$30)
好好奇西班牙版乳豬有咩分別，乳豬經高溫烤製，外皮金黃香脆，充滿油香味，肉質都好嫰，比傳統酒樓好食太多。仲有擺得好靚嘅酸菜醃菜幫手消除油膩感，好貼心
➤牛油果巴斯克焦香芝士蛋糕🍰
食左咁多野已經有啲飽，所以蛋糕細細件，份量啱啱好，芝士蛋糕口感順滑creamy，但牛油果味唔太出，反而覺得焦香味幾重，唔太甜，另外仲有蘋果蓉同配嘅raspberry and lemon sauce幾夾
_
🍽味道指數:★★★★★
📷環境指數:★★★★★
🛎服務指數:★★★★★
💰抵食指數:★★★★☆
😋推薦指數:★★★★★
📍Getaway
張貼
