影片
更多
2019-09-16
841 瀏覽
我屋企每年最重視嘅就係農曆新年、冬至同中秋節，大家會一家人一齊食做節飯，尤其今年特別感觸，因為唔係個個人都可以同家人齊齊整整咁食飯。今年屋企就揀咗去位於中環擺花街嘅名館食中秋飯，因為我哋六點三左右就到餐廳，都唔算多人。首先，侍應姐姐先為我哋送上麥茶，飲落去啖啖麥香味，好清新。跟著大家就睇下餐牌，一陣間就點菜，過咗十五分鐘左右，第一道菜就送上，就係一隻京城片皮鴨配蛋皮，呢度有兩樣好特別嘅地方，第一就係用蛋皮同鴨肉一齊食，而唔係傳統嘅麼麼皮，蛋皮好香蛋味，比傳統麼麼皮還要好；第二個地方就喺會有微火幫蛋皮持續保溫，以前片皮鴨食到尾段，通常麼麼皮都會變得又乾又硬，大家都唔會再想食，而家有微火保溫，就唔會發生呢件事，讚！另外，片皮鴨嘅配料有京蔥、南棗糕、青瓜條同子薑片，今次係我第一次食南棗糕，甜甜哋，好得意；食片皮鴨大家都會蘸醬，呢度亦都有四種唔同嘅醬汁可以試，有菠蘿醬、柚子醬、片皮鴨甜醬同麻醬，而我就覺得四種醬料都好特別，全部都好好味！侍應好熟手咁將鴨皮同鴨肉片出來，每塊鴨皮都非常香脆，鴨肉又唔韌，呢個片皮鴨真係好好食！食完鴨，而家到豬！我哋叫咗個姬松茸爆炒豚肉，入面有好多姬松茸，好足料，豚肉
今年屋企就揀咗去位於中環擺花街嘅名館食中秋飯，因為我哋六點三左右就到餐廳，都唔算多人。
首先，侍應姐姐先為我哋送上麥茶，飲落去啖啖麥香味，好清新。
跟著大家就睇下餐牌，一陣間就點菜，過咗十五分鐘左右，第一道菜就送上，就係一隻京城片皮鴨配蛋皮，呢度有兩樣好特別嘅地方，第一就係用蛋皮同鴨肉一齊食，而唔係傳統嘅麼麼皮，蛋皮好香蛋味，比傳統麼麼皮還要好；第二個地方就喺會有微火幫蛋皮持續保溫，以前片皮鴨食到尾段，通常麼麼皮都會變得又乾又硬，大家都唔會再想食，而家有微火保溫，就唔會發生呢件事，讚！另外，片皮鴨嘅配料有京蔥、南棗糕、青瓜條同子薑片，今次係我第一次食南棗糕，甜甜哋，好得意；食片皮鴨大家都會蘸醬，呢度亦都有四種唔同嘅醬汁可以試，有菠蘿醬、柚子醬、片皮鴨甜醬同麻醬，而我就覺得四種醬料都好特別，全部都好好味！侍應好熟手咁將鴨皮同鴨肉片出來，每塊鴨皮都非常香脆，鴨肉又唔韌，呢個片皮鴨真係好好食！
食完鴨，而家到豬！我哋叫咗個姬松茸爆炒豚肉，入面有好多姬松茸，好足料，豚肉都好諗，一啲都唔韌！
食完片皮鴨同豬就食番啲海鮮，呢個蜂蜜柚子蝦球，外面炸到金黃色，卜卜脆，痴滿咗柚子汁蝦肉好爽，推薦大家一試。
食完肉，就試下啲清啲嘅菜，餐廳有自製菌皇醬蒸鮮腐竹，鮮腐竹好煙韌，上面嘅菌皇醬清清哋，唔會太鹹，唔錯！
今日都唔少得有主食，我就試咗個鮑魚炒飯，入面除咗有好多鮑魚仔之外，啲飯粒粒都分明，又夠味，最重要係用石鍋送上，因為入面會有飯焦，真係好有心思呀！
最後食埋個甜品就完美，呢個非常精緻嘅麻雀椰汁糕同米紙鈔！佢哋嘅造型實在太厲害了！
今年嘅中秋飯好美味，好感恩！
張貼
