茶研｜The Tea Academics (已結業)

估唔到中環鬧市中有間咁寧靜嘅茶室，環境幾好又比較少人清靜啲，窗邊一排座位對正歷史悠久嘅戰前建築Pedder Building，有一種置身於外國嘅感覺。牛油果多士 $88藍莓芝士蛋糕 $48植物學家 $68普洱拿鐵 $58食物方面，由於當日係上午去到，所有大部分主食都未準備好，所以淨係order左個avocado toast同cheesecake。個avocado toast個人覺得一般，價錢偏貴，反而個blueberry cheesecake有驚喜，藍莓好新鮮，蛋糕甜度適中，價錢亦都比較合理。野飲方面，Iced Tea的確幾適合打卡，不過味道比較淡，價錢都比較進取。如果想試特別少少嘅，個人推薦普洱拿鐵 ，飲落真係有普洱加朱古力嘅味道，有種特別嘅回甘味，值得一試！