五行

營業中

休息中

之前留意到呢間日式餐廳有蟹味噌拉麵，點知去到原來完咗promotion，心諗反正一場嚟到咪嗌個拉麵試吓囉，只可以講，冇下次👋🏻。⠀嗌咗“五行焦香味噌”同“黑”兩款拉麵。首先講“五行焦香味噌拉麵”，上網搵過資料係店家自製嘅黑味噌，本應係焦香味，但焦香同燶有分別架喎，我同同行者只係食到大量燶味😒，湯底太濃稠又重鹹、湯面上嘅油份令麵條一夾起全部掛晒啲黑味噌，燶味重就連食麵都食到一粒粒嘅味噌，真係攞我命😒，加咗半杯水落湯底依然係鹹😒，歡迎挑戰腎者之石☄️💥“黑”拉麵，豬骨湯底面頭有黑蒜油，都係油淋淋架啦，不過冇“五行焦香”咁鹹，相對嚟講叫正常啲但都係冇下次😌。⠀唔知咩原因十篇有九篇都係讚好食，但以身試過就知伏到應一應😖。