影片
更多
2018-11-20
2667 瀏覽
🎐熊妹為左答謝🙇🏻♀️熊爸熊媽照顧熊婆婆，請食飯走唔甩喇！熊大就係燉腳既👨👩👧👦。📍熊妹特登揀間食台灣菜《Check-in Taipei 》特別少少的餐廳🍴，試下新野無咁悶！ 📍明知道《Check-in Taipei 》近期係極為大熱的新開餐廳，熊妹就當然預先訂位喇！📍熊妹訂左9點15分，9點05分齊腳黎到，店鋪唔係好大，有bar枱位，同7-8張4人枱，見全場都係爆🈵，仲要前面有人排緊🚶♀️🚶🏻♂️，以為訂左位但都係有排等，點知準時9點15分入得，讚！📍蛋餅，鹽酥雞，滷味，麵食，魯肉飯，芋頭甜品🍮，全部都係台灣地道小食，一於樣樣都試啲。牽絲酥皮芝士蛋捲，$85📍招牌盛讚系列💮，見到芝士拉絲都流哂口水🤤。比起傳統捲起的蛋餅，呢款係以鐵板穫上菜，可保持蛋捲温度，令芝士繼續溶化。蛋捲🌮好鬆脆，酥皮入面包住煎蛋🍳，簡單又好味的食材。非常豐富的忌廉芝士同咸芝士🧀，咸咸地又有忌廉芝士的微酸，自然食落唔覺好滯，就撩哂成盆芝士食哂。鎮店滷水拼盤，$78有雞腎，大腸，麵筋，雞軟骨。碟唔算大，但每樣份量好足，成碟鋪得滿滿的🍱。雞腎唔淋有咬口，小小一片，易入口。雞軟骨好爽口，連帶有少少雞肥膏，熊大至愛
📍熊妹特登揀間食台灣菜《Check-in Taipei 》特別少少的餐廳🍴，試下新野無咁悶！ 📍明知道《Check-in Taipei 》近期係極為大熱的新開餐廳，熊妹就當然預先訂位喇！
📍熊妹訂左9點15分，9點05分齊腳黎到，店鋪唔係好大，有bar枱位，同7-8張4人枱，見全場都係爆🈵，仲要前面有人排緊🚶♀️🚶🏻♂️，以為訂左位但都係有排等，點知準時9點15分入得，讚！
📍蛋餅，鹽酥雞，滷味，麵食，魯肉飯，芋頭甜品🍮，全部都係台灣地道小食，一於樣樣都試啲。
牽絲酥皮芝士蛋捲
$85
75 瀏覽
0 讚好
0 留言
📍招牌盛讚系列💮，見到芝士拉絲都流哂口水🤤。
比起傳統捲起的蛋餅，呢款係以鐵板穫上菜，可保持蛋捲温度，令芝士繼續溶化。
蛋捲🌮好鬆脆，酥皮入面包住煎蛋🍳，簡單又好味的食材。
非常豐富的忌廉芝士同咸芝士🧀，咸咸地又有忌廉芝士的微酸，自然食落唔覺好滯，就撩哂成盆芝士食哂。
鎮店滷水拼盤
$78
59 瀏覽
0 讚好
0 留言
有雞腎，大腸，麵筋，雞軟骨。
碟唔算大，但每樣份量好足，成碟鋪得滿滿的🍱。
雞腎唔淋有咬口，小小一片，易入口。
雞軟骨好爽口，連帶有少少雞肥膏，熊大至愛，熊妹就怕肥吐了。
麵筋就類似齋咁，滷水入哂味。
大腸，熊妹不嬲都唔好，無試，但見熊爸全部清哂，睇黎應該都幾好味。
整體來說，全部滷水味好夠，唔會太咸太濃，小食多滋味。
松露粟米蛋餅
$68
54 瀏覽
0 讚好
0 留言
📍再來另一款招牌盛讚系列💮的蛋餅。
📍呢款係傳統捲起配料做內饀的蛋餅🌯。
📍熊大熊妹都好喜歡食粟米🌽，有咬口又爽甜，粟米做饀的蛋餅一定無得彈。
蛋餅面頭吱上熊妹很愛的松露醬。松露味唔算太濃烈，醬汁都唔算多。
蛋餅質感比較淋身，就真係似食薄撐蛋皮咁，無蛋捲酥皮的鬆脆。熊大熊妹都覺得呢款蛋餅係遜色啲。
主廚四寶牛肉麵
$98
41 瀏覽
0 讚好
0 留言
📍食完餐前小食，就當然叫點主食喇。
招牌盛讚系列💮的四寶牛肉麵🍜有牛腩，牛𨫀，牛肚同牛筋，配料唔少得的半隻糖心蛋🥚同兩條青菜🌿。
牛肉四寶🐮全部本身都有滷水調味過，每款都好大一舊，牛腩好淋身，牛肚有咬口，牛𨫀，牛筋好彈牙，無煮過龍，各有特式，不過牛味唔算好出。
鮮蟹肉麻婆豆腐撈
$118
57 瀏覽
0 讚好
0 留言
📍又一招牌盛讚系列💮。嘩，好驚喜，好大一碗喎！
蟹肉🦀份量唔少喎，唔係好腥，撈埋一齊有種鮮味。
麻婆豆腐醬唔係好辣，份量好夠，仲有啲肉碎，豆腐好滑，撈埋好好味！
撈麵🍝本身係豉油王撈粗咁，好大一份，幼麵好易入口，唔好麵的熊妹都食左兩碗。
手作芋泥奶茶布丁
$65
43 瀏覽
0 讚好
0 留言
📍呢個係季節食品推介，即唔係menu長有，只推出一段季節性時間，而呢排係主打咁芋頭食品。
奶茶布丁🍮好香好重奶茶味，質感滑滑唔會好多魚膠粉好實的，都好大一舊。
配料仲有抹茶草餅🍡，珍珠同一pat芋泥，全部都有自己的味道。
抹茶草餅唔算好甜。
煮過的珍珠熱熱地，軟軟糯糯。
芋泥蓉好濃稠，唔會好稀，食到真材實料的粒粒芋頭。
仲奉上一小樽玫瑰花奶🍶，熊妹試左少少，雖然熊妹很喜歡玫瑰花🌹，但極之唔好玫瑰製品，因為覺得花就是花，花香是嗅的，架硬以花味造成食品令成件事格格不入，有點怪，而且各項配料都好夠甜味，所以沒有點上這瓶玫瑰奶。
鮮芭樂苦瓜汁
$52
44 瀏覽
0 讚好
0 留言
📍熊大點給熊媽的，因為熊媽喜歡喝鮮揸健康果汁🍹。
非常新鮮，非常分明的一層苦瓜，一層芭樂，紅綠配撘很美，明顯真材實料，不是糖漿溝水。
📍不過玻璃杯容量唔大，價錢有點貴。
綠豆沙豆漿，鮮木瓜牛乳
$52
54 瀏覽
0 讚好
0 留言
📍熊爸既係綠豆沙忠實粉絲，又係豆漿🍶愛好者，綠豆沙豆漿一定非熊爸莫屬。
熊爸話綠豆沙好綿，撈埋豆漿，唔會好甜，係非常之夾的。
鮮木瓜牛乳，$52
📍熊妹愛木瓜，台灣飲料木瓜牛奶🥛出哂名，當然叫返杯試下。🍸
鮮揸木瓜好新鮮，揸到好溶，無渣，不過甜左啲，應該有落糖的，不過溝埋淡淡的牛奶🥛一齊飲就中和左喇。
📍整體黎講，係間香港好少有的台灣店，有傳統地道風味台灣菜，又有特式新意的fushion菜，有一般餐廳的飯枱，又有迎合蘇豪區的bar枱，係好值得黎chill下既。📍多謝熊爸熊媽熊大俾熊妹個機會黎拜訪下，呢餐熊妹抵請喇！
張貼
