東歐餐廳 (已搬遷) 新店位置

之前朋友介紹過，咁啱又見到團購有推廣，就買左張團購黎試。入到餐廳，發現團購客都會被安排坐於餐廳外圍，而正價顧客都被安排入餐廳內廳，呢個安排令我朋友感覺不太舒服…依住團購餐既Menu，我order左西紅柿沙津西紅柿夾住既芝士比較濃味，無食開不同種類芝士既朋友應該會食唔慣，但for me就ok，加上清清地既三文魚子沙津，味道一濃一淡平衡返，幾好。湯我選擇左馬豆湯，粒粒磨出黎既馬豆蓉非常有口感，除左必然既濃郁馬豆味仲有牛肉香味，加上蔬菜同肉粒，整碗湯啖啖都有咬口主菜方面揀芝士焗牛脷，牛脷焗得非常淋，入口即溶，脂肪度適中，食哂成碟都唔會膩。最後甜品係蘋果批，同我想像中既蘋果批唔同，佢似蘋果磅蛋糕多D，味道不過不失，但留意，食嗰時點埋佢伴碟既青蘋果醬，酸酸甜甜會好食好多。總括而言，雖然比較濃味，但有機會都會再幫襯。