銀座梅林 (已結業)

一個懶洋洋的中午，打算食個late lunch再週圍行吓。响IFC間間都full，醒起未試過炸豬扒，又唔點洗等位，就試吓佢。攞飛後等咗3分鐘左右就有個類似經理般嘅西裝友叫入座，被安排坐bar檯，好衰唔衰喺上菜位旁邊，見到有張四人卡位，咁老公問坐果度得唔得，個西裝友一句唔可以，老公同西裝友講"你唔好俾我見到你俾兩位坐果張檯"，然後就被推埋D張櫈(當時老公個企响櫈與檯之間)局佢坐低。然後有張二人吉檯，西裝友同我打眼色叫我哋過去，我同老公坐起身，但唔係行過去，係離開。呢位類似經理嘅西裝友真係趕客，以後都唔會再嚟。