銀座梅林 (已結業)

睇熊貓之前去填飽肚先！因為有三隻馬騮！首先係要好坐！所以在ifc內揀！去到唔使等位！三大三小坐卡位！地方好乾淨舒服！以日式裝修！坐低個侍應哥哥即刻攞幾套彩色兒童餐具比三隻馬騮！然後放低餐牌！到我叫侍應要點菜時！侍應先同我講今日星期日！無沙律同刺身供應！佢解釋係因為供應商休息！我係有少少嬲！我由入門口坐低到點菜成15分鐘你都唔同我講！我有得選擇唔去你呢間食！有少少被騙嘅感覺！因為吉列係熱氣食物！無沙律中和下係差點！叫咗：梅林豬扒三文治--豬扒係薄身！有點酸醬夾埋一齊！不過夾埋麵包感覺略乾！好普通！吉列豬扒定食（黑）--豬扒厚切！外皮鬆脆！肉質都幾肥！唔會好硬，點酸醬食一流！椰菜絲新鮮爽脆！配芝麻醬好好味！白飯係珍珠米！粒粒飽滿！麵豉湯雖然唔係即沖貨色！但偏咸！味道一般！吉列拼盤定食--我試食咗炸蝦及炸蠔！都juicy!外脆內軟！蠔一點腥味都無！good!冷稻亭烏冬--呢個好差！烏冬其實唔錯！夠凍又煙韌！但個汁係好淡好淡！無味去食烏冬真失敗！旁邊三舊炸豬肉！略硬！無乜味！唔鍾意！食物都要等一陣！吉列皮鬆脆！裡面juicy多汁！不過因為太多炸物！食到中後段已經頂唔順！好膩！雖然椰菜絲好新鮮爽

男朋友想吃吉列豬，放工後便來到這間餐廳。到達時晚上7時，尚有3、4枱空位。最近不可以吃太多碳水化合物，所以點了海鮮沙律，但侍應告知沒有貨 改為單點豬肉生薑燒 （$138）比定食便宜 $40，少了白飯（任裝）及麵豉湯。刨成絲狀的生菜可無限refill,因要減肥所以沒有下任何醬汁。整體燒得不錯，肥肉部分佔2成不過汁太油膩。侍應加茶也很主動，服務態度不錯。男朋友點的吉列豬定食 賣相也頗吸引，加上每枱也有3枝醬料 可自由配搭到豬肉上，包括梅林豬扒汁、青芥辣沙律汁、芝麻沙律汁。他對食物似乎也滿意。另有一次到訪點了這個玉子豬扒蓋飯，香味十足，非常開胃。豬扒略嫌做得太軟身。整體也不錯。

本身打算又食GoGyo，但係一個星期食3次確實有點過分，所以轉場去左同層嘅梅林，反正IFC 店我又未試過。星期六下午1點半，唔洗等位就入得，餓反了嘅兩個人，以9秒9嘅速度screen 完個menu，無奈店內嘅待應太游閒，小小的店有5名以上嘅待應都冇一個人見到我舉手，唯有失儀大叫 "唔該！！！！"老公點的梅林特式豬扒飯先來到，外貌吸引食落仲吸引。大大一隻生蛋黃係碗面，蛋汁滲入飯底，就算食到最尾都唔會乾爭爭配埋滑蛋豬嘅汁，真係好惹味。吉烈豬好嫩好滑，就算浸過汁，外層依然非常鬆脆。好味道！！我點左吉烈豬柳定食，但係到王生差唔多食完先上菜。鬼咩，待應弟弟妹妹唔係傾緊野就係發緊呆，明明眼見個set 已經ready 左係櫃台都一段時間，都冇上送菜… 算，阿姐今日心情好，唔同你計！終於都有得食啦，對我黎講，呢個定食嘅靈魂就係啲椰菜度，每一次我都只係食1-2件肉，同好多椰菜，呢度嘅椰菜好爽，刨得好細長，好清甜。不得不提伴隨椰菜嘅醬汁，兩款當中我比較喜歡青芥辣沙律汁，係有wasabi 味嘅黑醋橄欖油，好好味！！不過都始終都係比較喜歡別家嘅柚子汁，所以今次少少地encore 左3次咁多啦！去到"主角" 吉

My friend and I had plans to visit 28 Hong Kong Street’s pop-up bar on May 9th but it was raining pretty hard outside so we decided to meet up at IFC for dinner. While there are a lot of restaurants in the mall we had trouble deciding what we wanted to eat. We passed by Ginza Bairin next to the MTR station and saw no line ups – so we were like screw it let’s go in!The menu consists mainly of – you guessed it – pork. There were some other deep fried goods as well but pork (particularly cutlets) w

四月廿一日（星期一）今年的復活節很特別，在於小丸子要返工平日的上班時間，港鐵班次變得稀疏，附近的食肆又關門不做生意整天大家也沒有什麼心情，午餐決定吃豪一點同事一早已訂了銀座梅林，吃過中高檔的炸豬扒吧假日，午飯時間走進了國金，人流極少平日午飯時段總擠滿人的二三樓，人也是少得很其實，即使不訂座，walkin也是沒難度的坐下來，打開餐牌，卻又不想吃招牌炸豬扒，反而想吃炸蝦點了個滑蛋吉列蝦丼，不是定食也仍有麵豉湯一碗$148的滑蛋吉列蝦丼內有兩隻大蝦蝦的炸粉真的有點厚，吃了一隻後已感膩滯蝦肉也不夠新鮮，也不太彈牙唯一可取的，是滑蛋味道香濃也許，廚房如我的心情一樣 - 點解今日要返工???邊吃著，邊想起下個月的東京之旅心情頓時興奮起來

其實我比較鐘意食SABOTEN既猪扒，但可惜佢地3點落場， 所以唯有改去IFC既梅林食猪扒。真係進步了。 飯真係無咩飯香味，加上佢地汁好少。老公點了個魚生定食。當然又係一個大誤會啦。我都同老公講在食猪扒既地方食魚生，都算O左不會好食得去邊。 果然，除了個牡丹蝦比較鮮甜之外，其他真係好麻麻。 不過再說一次，佢地不是魚生尊家， 所以真係情有可原。不過說回猪扒， 真係唔夠猪香，因為無咩猪既脂肪香味，又不是好干身， 所以是因為脂肪分佈不太均均，所以滲唔到入猪扒入面。正所為HOLD 不住。 加上如上面所說米飯沒有飯香。 湯同沙拉及沙拉汁也沒有特別。 整體來說不吸引。

聖誕在中環無乜好食, 來到都要等成十張枱結果叫了豬柳定食和梅林滑蛋豬扒飯.炸豬柳都好大舊, 不過面果層面包糠同樣好厚, 上枱仍然是熱的. 椰菜切絲加芝麻醬很好味, 唔夠仲可以加.滑蛋豬的豬好在夠熟, 混埋鹹鹹的豬扒汁更可以送多碗飯食, 碗飯夠熱.兩個餐的麵豉湯也是較淡味的, 碗中的料不多, 主要得兩粒豆腐.

難得有個空閑時間，“事頭”建議同我，米曹，豬豬一齊到 IFC lunch..！十二點我們仨準時踏出門口，往IFC方向進發。中環LUNCH time真是太瘋狂，每間食店都擠满了上班族！我仨分頭行事，最後豬豬輪的銀座梅林最快！起初我對這店抱住不想試的心態，畢竟 Openrice的差評較多……但為了要填飽肚皮，那就非吃不可！Menu內，食物菜式頗多！一向不好煎炸食物的我，當見到魚生飯已心中有數了！雖然事頭話“來梅林當然要點吉列豬扒”，但我還是選擇心中所愛的。 什錦魚生飯，魚生舖滿整個壽司飯之上，三文魚、牡丹蝦、八爪魚、鯛魚、海膽，全部都是新鮮的。值得讚的是海膽，每啖都鮮甜美味！ 吉列豬扒三文治，豬豬的午餐，分給我二分一嚐試。這是我意料之外的食法，從未吃過炸豬扒配三文治麵包的，很新奇耶！而且不會覺得油膩。絕對贊贊贊♥大愛這次午膳，令我對梅林改觀哩！為免錯失好的東西，凡事都應該親力求証！食物如是；人也如是

突然心血來潮，來食炸豬排，但係已經過了3點，銅鑼灣既「勝博殿」已經午市完結。所以自已一個來到IFC既梅林店食啦！ 價錢跟「勝博殿」差不多，但係我豬排既質素，一定是勝博殿比較好。【炸豬排定食】先說豬排， 厚度OK，可是肥肉比例太多，已脂肪跟肉是分離既，經過熱力炸過也沒有將油脂溶入豬肉中，跟到一口吃下去，一係就係肥膏，一係就瘦肉。 瘦肉沒有油脂既香味及比較乾身。這個價錢可以再好D！【米飯】尚算可口， 但不夠「勝博殿」既米飯香。【沙拉伴菜絲】菜絲本身夠新鮮，可惜沙拉醬不夠突出，非常普通。 不及「勝博殿」既油子醋出色， 一配上菜絲，非常爽口清甜。【味噌湯】這個是唯一比「勝博殿」出色的一道。 這個味噌湯夠足料，足味。有很多地方都只顧主菜，而忽略了配菜，米飯或者湯料，做成顧得左來，顧不到右。但這個味噌湯真的做得很好。讚！ 

午餐一個人, 想食好D就等了一會位~叫了一個海老餐另加一塊豬柳~對比同樣食吉列的大店, 結果令人失望海老三件- 大件, 有成7,8吋長, 但霉霉地~蝦唔新鮮真是騙不了人...切下去蝦頭已經掉了下來~豬柳-無味, 豬柳乾...而且不香~如果如其他店有芝麻供應, 可能比較好~菜-其實可以, 新鮮, 只是被大店更好的寵壞了舌頭, 覺得久了一點爽脆的口感飯-一般, 正常的飯, 不過我可能已是飯市尾, 已經是溫, 而不是熱的湯- 好飲所有食物一般...如果差不多價錢, 我不會再來. 平一點到THE ONE食午餐SET, 同樣價錢直接去各大大店好了~ 起碼飯軟芝麻香, 仲有件西瓜咬下~侍應好忙, 不會主張加水, 環境很吵...

好貴... 係入去食的原因, 因為想看看點解要咁貴.咖喱豬扒飯似乎係招牌菜, 所以就點了, 上菜的時候有幾種漿汁可以選擇, 酸梅汁應該係最好的.豬扒太乾, 吉烈粉太多, 肉倒係高雞的豬肉, 很軟很多汁, 飯中等, 整體來講合格但不太值得.吉烈煎蠔套餐, 蠔都幾大舊而且肉厚新鮮, 都係粉太多煎太耐有點太乾的感覺, 合格.其他配菜與麵湯中規中矩, 而且當日好似有熟人定大人物幫親, 員工都把注意力到該客人身上而反應比較慢.

香港有不少的豬扒餐廳是日試了幾有名氣的銀座梅林但...事實證明了貴不一定好食吉列豬柳定食 $185豬柳都幾令人失望吹落unun地無邊位肥肉只係一塊普通的吉列豬吉列豬扒定食 $175豬扒幾厚幾大塊邊位有少少肥肉豬扒肉身有少少"鞋"賣相不錯但有一客的豬扒未熟!!!要求換過碟但待應拎走左碟豬扒唔到二分鐘又番黎原來只係將未熟個舊再炸左一炸餐廳可取既你沙律任添同埋豬扒醬芝麻醬任加埋單成二百蚊真係唔值.....

好耐無食銀座梅林炸豬排，之前食過幾次都好正，但相距都好一段日子，今日再去估唔到服務及食物都同我兩年多前第一次去相差o甘遠, 今日叫左個炸豬排套餐 $175+10%, 呢個價位應該可以有期望對嗎？但豬排食食下發現中間有一部份係炸唔熟，呢個真係有D令我好失望，於是同一年輕女性侍應講，佢問我點？我問返佢可以點？佢馬上取去處理，一分鐘後俾返我，同一個位都係有血水，係唔熟,咬唔到，講＝無講，做＝無做，我心中感到近200蚊食個 lunch 都可以o甘差，香港真係......埋單後同另一位男員工表達左呢個問題，我見到佢有同位廚師講，希望佢地下次小心D，不過我就有排都唔敢再去，反正宜家日式炸豬排愈來愈多， 有其他選擇希望佢地唔係一味只顧開分店攪到食物質素同員工服務都愈來愈差

八月中有一晚因為係中環行行逛逛，不想移師其他地方食晚，所以係ifc搵食一直想試下銀座梅林~~就決定一試.....真後悔事先無睇食評店內環境乾淨，以木色為主看看餐牌，是與一貫的同等吉列豬差不多價錢，之前食過豚組同埋丼都ok今次點了一個梅林特選豬排蛋飯同埋一個咖哩豬扒飯呢個特選豬排飯我真係唔知有咩咁特選......唔通係特別難吃之選...得隻蛋好少少...不過同普通飯店差唔多...但豬排好差...有d梅的感覺...==個皮都唔夠脆...是林的...=0=成$160一個都可以咁難食...我平時在普通日本餐廳吃一個$50的lunch好味過佢囉...=0=我唔知係咪希望愈大，失望愈大....不過我俾得一百多元食個豬扒飯...有少少期望都好正常吧..><咖哩呢個好味少少..因為有d咖哩汁易d入口...炸的地方也比剛才的脆一點....不過豬扒質素始終麻麻.....總結: 兩個字...唔值

My girlfriend and I booked a table for 1 pm the previous day and although we were able to book we were informed that if we are more than 5 mins late that our table would be released to walk-ins...With this in mind, I arrived 5 mins early, but when I went to the front desk to tell them I have arrived, it took them 5 mins to get someone to the front desk...but once acknowledged I was taken to my seat straight away.The place was really busy and I was told that this is always the case. My girlfrien