影片
更多
2009-01-12
10 瀏覽
每年年頭都有private banker 請我地食飯。 無他， 吾搵D客吹吓水， 點會有business 做。 記得舊年個市仲未冧時期， 俾人請咗去Landmark間Zuma。 呢間餐廳只可以用一個貴字來形容， 但因為個banker 請， 所以無謂comment 多多。 今年個個banker 都要睇 budget ， 所以就俾請咗去一間係Soho 叫做Kazu新開嘅日本餐廳開年。起初吾想去， 因為之前banker請的吾係Mandarin 就係Four Seasons ， Kazu都未聽過， 但係既然被請到， 都要俾面去一趟。呢間Kazu其實係擺花街和閣麟街交界PizzaExpress 樓上， 由Exchange Square 寫字樓經行人天橋去吾使十分鐘。都知道個private banker要睇 budget， 所以雖然個banker offer 我地叫 A La Carte， 我地個party 6個人個個都叫set lunch， 無謂食人隻車。 但D set lunch 都出乎意料地好， 同Zuma和最近我去過間Roka 都有得揮， 最緊要係好食， 同原汁原味， 同食得飽。
起初吾想去， 因為之前banker請的吾係Mandarin 就係Four Seasons ， Kazu都未聽過， 但係既然被請到， 都要俾面去一趟。
呢間Kazu其實係擺花街和閣麟街交界PizzaExpress 樓上， 由Exchange Square 寫字樓經行人天橋去吾使十分鐘。
都知道個private banker要睇 budget， 所以雖然個banker offer 我地叫 A La Carte， 我地個party 6個人個個都叫set lunch， 無謂食人隻車。 但D set lunch 都出乎意料地好， 同Zuma和最近我去過間Roka 都有得揮， 最緊要係好食， 同原汁原味， 同食得飽。
講咗咁耐， 你可能會問究竟係食D咩野？值得我網上推介。
Kazu其實係一間Robatayaki 既日本餐廳， 即係爐端燒， 菜式有少少fusion， 所以同Zuma和Roka差不多， 但當然價錢抵好多。 個日set lunch 我食咗個baby back ribs好似都是120蚊， 如果係Roka食， 最低限度要三舊水落樓。 但係Kazu食既baby back ribs就真係好juicy。 所以肯定知道唔係煲熟咗而攞去燒兩燒俾你食， 應該係原汁原味燒出來。 呢種口感其實係無綫 “蘇 Good” 的節目阿蘇都講過， 如果大家唔知分別就無謂吹話自己係食家。
咁我D 同事食咗咩， 一個叫做個Salmon Robata Set Lunch， 都好似係130蚊， 但真係做到半生熟俾你歎。 我另外個friend就食過Alaskan King Crab Hand Roll Set買相都幾好。 其餘２個friend姐姐就無錫住過banker個荷包， 所以就叫左最貴的Rib Eye Set。 雖然貴D但係portion 夠大， 我個friend給我食咗舊， 都覺得幾有肉味和無筋。
請食飯的兩個banker一個跟我食baby back ribs， 一個就食齋， 叫咗個豆腐Robata， 雖然我不是一個食齋的人， 但係下次去一定會試， 因為係第二度未見過。
D banker 見到我地都係錫住佢荷包， 所以食完飯， 都係A La Carte menu 度叫D甜品round off the meal， 我就食咗過日本Tiramisu。 呢個值得推介， 因為佢俾意大利的Tiramisu多咗層啫喱， 食落有ｄ酸酸甜甜的感覺吾係太heavy。 其餘D人無我咁adventurous， 個個都叫呢個餐廳既自製雪糕。
讚咗咁耐， 都吾係樣樣係prefect， 因為可能係新開張， 所以D service 有ｄ蝦碌， 仲覺得ｄ裝修仲未做完。 不過算了， 人哋請食飯都吾好彈三彈四。 等呢間Restaurant上咗軌道之後， 我會再返去試下過A La Carte menu， 有幾好食到時再講。
張貼