鷹巢

營業中

休息中

臨近中秋節，想同個下屬食好少少，所以揀左附近鷹巢做節。因為只有兩個人，我哋只叫左少量餸，但都非常好食。醉雞 - 酒味濃郁，仲要去埋骨，啖啖肉，啱晒我呢啲食肉獸。大澳肉菘炒飯 - 開頭都懷疑緊咩係大澳炒飯，原來蝦醬炒飯，蝦醬配合埋啲肉醉做嘅炒飯，咸味適中，飯都炒得夠乾身，值得一試。另外求其叫咗點心，蝦餃同燒賣，好鬼大粒，呢啲先至係酒店中菜應有水準。總括嚟講，餐廳質素好高，值得再試。提外話，食飯有得免費泊車真係非常之好，因為旺角想搵個位泊車食飯真係難。