奇趣餅家

營業中

休息中

將近中秋節，旺角呢間奇趣月餅必定大排長龍，如果想買一款傳統月餅過節，奇趣短家一定好食過連鎖老店x香x華呢啲大集團！未有疫情之前奇趣月餅中秋前一個星期已經售罄，今年因為少咗好多遊客，所以終於買到了😋😋😋除咗月餅店舖仲有多款懷舊麵包同餅乾大家選擇呢個五仁月餅完全顛覆咗我對傳統月餅嘅偏見！佢將啲五種果仁打到好碎，再溝糖漿炒埋一齊，食落口感煙煙韌韌，再配埋金華火腿嘅肉香，油而不膩，鹹甜適中，果仁炒到好脆口！好好食！簡直係色香味俱全，令人回味無窮想再食多嚿！五仁月餅食落口個感覺冇蓮蓉月餅咁肥膩，用果仁代替左蓮蓉，可以健健康康咁過中秋節，又能夠品嚐到傳統嘅月餅既美味！