張生記 (已結業)

中秋佳節有客戶老世請食飯，我慶幸可以掹車邊跟去食，老世請食飯當然唔會食普通嘢，佢带我哋去位于銅鑼灣新寧道的中國太平大廈〈張生記〉食杭州菜。呢到装修環境好靓，坐得好舒服，我哋一坐低经理就為我地介绍老世訂咗嘅餸名，前菜就来左香油馬蘭頭，食落有好香嘅麻油，又有秘製嘅素鲍鱼，食落口感好好，好似真係食緊鲍鱼噉，跟住嚟杭州燻鱼，佢炸得好鬆脆，我覺得食落味道好似糖醋骨，跟住上招牌菜張生記老鸭煲，經理话呢味菜要提前幾日訂，因為煲湯要熬製4-5個鐘頭，味道非常浓郁好味，跟住嚟我最锺意嘅黑松露龍蝦，肉質新鲜好彈牙，再來杭椒目魚絲，呢味菜最啱锺意食辣嘅我，跟住來另一個招牌菜，千島湖野生特大鱼頭，條鱼仲長過我嘅手臂，鱼頭面放满红辣椒，但係食落又唔觉得辣，最后嚟多嗰两個餸，就係杭州東坡肉同埋鱼面筋豆面，食完后再嚟多两个甜品，今餐食得非常飽非常满足。