影片
更多
2009-10-04
12 瀏覽
由於要安排家人一齊食飯, 所以今年去屯門, 另外我妹妹又話有間叫喜喜好似幾ok, 所以就試下. 我地book左8點半食, 晚上8點已經去到睇下咩情況, 咁岩又有人罷酒結婚, 所以位置唔係好多, 但整體環境都感覺, 起碼唔會又龍又鳳, 比較現代式既中餐.8點35分可以入坐, 依舊入坐環境及位置都唔錯, 好似去左包房咁, 用大量破璃做裝修, 燈光充足. 坐低晒就立即點菜, 一般都係推介D客食套餐, 但我屋企通常都唔會叫套餐, 一來未必所有野都岩食, 二來可以叫多D款色既菜試下不同味道. 以下係點左既菜:荔枝木燒鵝 - 呢個菜可以話今晚既主打, 因為之前都聽講過呢個係招牌菜式, 都有電視台報道過, 由於有十幾人食飯, 所以叫左一隻, 一試之下發現味道果然唔錯, 鵝味好濃, 我覺得好食過深井果D, 不過價錢都幾貴, 要成320蚊.爆蝦仁豆腐 - 呢個菜有少少辣, 蝦仁size好大, 又爽口, 豆腐好滑.珊瑚太子西蘭花 - 珊瑚太子好爽身, 西蘭花好新鮮.花孤鴨掌扒生菜 - 冬菇好大又厚身, 鴨掌煮得好"林", 同埋好滑.怪味骨 - 呢個骨既味道好特別, 辣中帶點酸甜, 肉骨唔會肥.梅菜扣肉 -
8點35分可以入坐, 依舊入坐環境及位置都唔錯, 好似去左包房咁, 用大量破璃做裝修, 燈光充足. 坐低晒就立即點菜, 一般都係推介D客食套餐, 但我屋企通常都唔會叫套餐, 一來未必所有野都岩食, 二來可以叫多D款色既菜試下不同味道. 以下係點左既菜:
荔枝木燒鵝 - 呢個菜可以話今晚既主打, 因為之前都聽講過呢個係招牌菜式, 都有電視台報道過, 由於有十幾人食飯, 所以叫左一隻, 一試之下發現味道果然唔錯, 鵝味好濃, 我覺得好食過深井果D, 不過價錢都幾貴, 要成320蚊.
爆蝦仁豆腐 - 呢個菜有少少辣, 蝦仁size好大, 又爽口, 豆腐好滑.
珊瑚太子西蘭花 - 珊瑚太子好爽身, 西蘭花好新鮮.
花孤鴨掌扒生菜 - 冬菇好大又厚身, 鴨掌煮得好"林", 同埋好滑.
怪味骨 - 呢個骨既味道好特別, 辣中帶點酸甜, 肉骨唔會肥.
梅菜扣肉 - 呢個菜好好味, 雖然係非常普通既菜式, 但普通至可以試到佢地廚房有幾多功力, 總之冇失望, 屋企人食得勁多飯因為呢個菜.
另外我再點左兩個素菜: 羅漢豆腐 + 清炒時蔬 - 素菜本應就應該係清清地, 味道偏清淡, 我可以話絕對保持到素菜既Lv, 唔會因為肉食菜式既濃味而影響到素菜既清淡, 味道唔會差過"功德林".
甜品係: 迷你合桃餅 + 椰汁千層糕 + 紅豆沙 - 雖然係中菜廳, 但甜品都做得幾好, 絕對唔會大甜.
埋單: 只係14xx, 非常抵食
最後評語: 全部菜都食晒, 咁都冇咩可以話有問題, 但有樣要提, 一般菜式都係味道偏濃, 如果食得比較清淡既可能會覺得唔岩食, 但我屋企絕對覺得標準. 另外服務員態度親切, 同埋經常留意你地有咩需要, 值得一讚.
張貼