影片
更多
2023-10-04
636 瀏覽
年年中秋我都會食蘇式既金腿月餅，即係酥皮包金腿同瘦肉。諗諗下其實漢堡都係皮包肉，睇泥掹車邊都可以叫鬼佬月餅呢。今日食完團年飯就諗住去附近既黃大仙祠感受夜繽紛，正好經過呢間漢堡店。難得佳節，但係日日一腳踢開足7日工既老細都仲有開鋪，衷心好佩服小店老闆既毅力。見仲餓餓地，就本著支持街坊小店既精神出一分力。我叫左個58蚊既焦糖蘋果安格斯牛肉漢堡。因為即叫即做，用牛油烘香既麵包香同牛肉味搞到我越等越餓。我同老闆吹住水等左大概7分鐘，個包就做好左。我急不及待拎個新鮮熱辣既包去附近既公園食，逐層慢慢品嘗。麵包表面香脆，咬落去鬆軟，牛油香四溢。男主角漢堡肉餅外面煎到岩岩焦啡，陽光既外表包住靦腆可愛既粉色嫩肉。口感軟韌交錯有層次，彈牙多汁，牛味極重。另外造肉餅時加左少少黑椒碎，嘴嚼到顆粒果下增加左一層風味。女主角軟糯既焦糖蘋果甜而不膩，陣陣焦糖體香。另外後製時混合埋爽脆既新鮮蘋果，配合果股微酸出到1+1>2既效果。不過如學似蘋果批餡一樣加上肉桂粉調味應會更優。總括而言，漢堡包最重要既肉餅係做得出色，對得起個價錢有凸。圍繞主題既配料都有用心處理，而其他配角就正正常常。不過對男人泥講，一個漢堡包應
今日食完團年飯就諗住去附近既黃大仙祠感受夜繽紛，正好經過呢間漢堡店。
難得佳節，但係日日一腳踢開足7日工既老細都仲有開鋪，衷心好佩服小店老闆既毅力。見仲餓餓地，就本著支持街坊小店既精神出一分力。
我叫左個58蚊既焦糖蘋果安格斯牛肉漢堡。因為即叫即做，用牛油烘香既麵包香同牛肉味搞到我越等越餓。我同老闆吹住水等左大概7分鐘，個包就做好左。我急不及待拎個新鮮熱辣既包去附近既公園食，逐層慢慢品嘗。
焦糖蘋果安格斯牛肉漢堡
$58
54 瀏覽
0 讚好
0 留言
焦糖蘋果安格斯牛肉漢堡
$58
192 瀏覽
0 讚好
0 留言
麵包表面香脆，咬落去鬆軟，牛油香四溢。
男主角漢堡肉餅外面煎到岩岩焦啡，陽光既外表包住靦腆可愛既粉色嫩肉。口感軟韌交錯有層次，彈牙多汁，牛味極重。另外造肉餅時加左少少黑椒碎，嘴嚼到顆粒果下增加左一層風味。
女主角軟糯既焦糖蘋果甜而不膩，陣陣焦糖體香。另外後製時混合埋爽脆既新鮮蘋果，配合果股微酸出到1+1>2既效果。不過如學似蘋果批餡一樣加上肉桂粉調味應會更優。
總括而言，漢堡包最重要既肉餅係做得出色，對得起個價錢有凸。圍繞主題既配料都有用心處理，而其他配角就正正常常。不過對男人泥講，一個漢堡包應該唔會好飽肚，cp值係差少少。
評分
焦糖蘋果安格斯牛肉漢堡 $58
cp值- 3/5
味道 - 5/5 （比較範圍：$50-100）
overall - 4/5
張貼
