影片
更多
2021-10-03
1333 瀏覽
中秋節想同屋企人食好d就去左中環嘅「碧儷苑·精點粵菜」食飯。杏汁白肺湯將杏仁磨成粉，又白又滑，好香，夠晒熱，飲完好舒服～🥰湯料好足，有雞腳、粉腸、瘦肉、雞、豬肺等。豉油皇虎蝦煎腸粉用咗秘製豉油調味，惹味非常😋。腸粉滑溜唔會腍。師博好貼心，已預先將虎蝦嘅腸清理掉，食起黎方便又放心～👍🏻窩貼金蠔用上流浮山嘅蠔，蠔香盈腔。蠔釀喺彈牙墨魚膠蝦膠入面，下層係又香又脆嘅鹹蛋黃炸鍋巴，侍應話送紅酒一流！流浮山三寶蒸海班球海班加上流浮山三寶：銀魚乾、蝦乾同鮮魷一齊蒸，多重口感，鮮味十足！平時食果d 蝦乾有陣鯹味，呢度嘅蝦乾真係食得出蝦嘅鮮味。海班球魚肉嫩滑，皮夠厚夠彈唔鯹多骨膠原👍🏻。麻辣鮑魚掌翼煲上枱時熱辣辣。鮑魚戒晒花，入味彈牙。掌翼份量多，加上少少麻辣味，刺激食慾，不禁食完一隻掌翼再一隻😋！龍哥招牌炒飯夠晒鑊氣熱辣辣，炒得夠乾身，唔會油膩👍🏻。有松子、蝦、叉燒、冬菇、馬蹄等，用料豐富，口感十足！總廚炒嘅果然係唔同啲，必點！伯爵茶奶凍好香伯爵茶味，整體味道似奶茶，啱曬鍾意伯爵茶嘅朋友。冰凝小企鵝一上枱，嘩，不得了！乾冰營造出仙境嘅感覺，打卡一流！😍有兩隻小企鵝，企鵝後面有一片藍色「冰」，原來係糖，
杏汁白肺湯將杏仁磨成粉，又白又滑，好香，夠晒熱，飲完好舒服～🥰湯料好足，有雞腳、粉腸、瘦肉、雞、豬肺等。
豉油皇虎蝦煎腸粉用咗秘製豉油調味，惹味非常😋。腸粉滑溜唔會腍。師博好貼心，已預先將虎蝦嘅腸清理掉，食起黎方便又放心～👍🏻
窩貼金蠔用上流浮山嘅蠔，蠔香盈腔。蠔釀喺彈牙墨魚膠蝦膠入面，下層係又香又脆嘅鹹蛋黃炸鍋巴，侍應話送紅酒一流！
流浮山三寶蒸海班球
海班加上流浮山三寶：銀魚乾、蝦乾同鮮魷一齊蒸，多重口感，鮮味十足！平時食果d 蝦乾有陣鯹味，呢度嘅蝦乾真係食得出蝦嘅鮮味。海班球魚肉嫩滑，皮夠厚夠彈唔鯹多骨膠原👍🏻。
麻辣鮑魚掌翼煲上枱時熱辣辣。鮑魚戒晒花，入味彈牙。掌翼份量多，加上少少麻辣味，刺激食慾，不禁食完一隻掌翼再一隻😋！
龍哥招牌炒飯夠晒鑊氣熱辣辣，炒得夠乾身，唔會油膩👍🏻。有松子、蝦、叉燒、冬菇、馬蹄等，用料豐富，口感十足！總廚炒嘅果然係唔同啲，必點！
伯爵茶奶凍好香伯爵茶味，整體味道似奶茶，啱曬鍾意伯爵茶嘅朋友。
冰凝小企鵝一上枱，嘩，不得了！乾冰營造出仙境嘅感覺，打卡一流！😍有兩隻小企鵝，企鵝後面有一片藍色「冰」，原來係糖，可以食架。整到好似兩隻小企鵝企喺極地嘅冰塊上面咁樣，好有心思👍🏻！
張貼
