石記廚房

營業中

休息中

昨晚由家人訂咗一圍檯十二人食晚飯做中秋節。原先6:30pm後改為7:00pm。由於昨晚維園有花燈會所以隧巴116都因為大塞車失更,被迫臨時要改坐港鐵由東隧過海在天后站出嚟行兩分鐘6:15pm到門口。第一次嚟食野,入內只見兩三檯細檯嘅客人。有個肥肥哋唔知泰傭還是菲傭,居然話:你哋早到咗四圍行吓先喇。好在後來老闆娘指住果張留座嘅大檯,叫佢(放行)及至7:00pm人齊點菜,原來家人一早預訂咗風沙雞,蘿蔔牛腩。的確有水準風沙雞香滑唔油膩。牛腩更係少有咁好味,好唸十足味道,大家即時加叫兩碗白飯淘腩汁兩個煲仔飯比想像中細,欠一般柴火嘅風味,無飯焦。咕嚕肉賣相麻麻,魚餅都OK,所以有encore至於豉汁蒸深海泥鯭又係麻麻,蒸過咗火。聽聞係米芝蓮級數,親身試過就覺得招呼及食物水準(一般一般喇)。