影片
更多
2022-07-28
170 瀏覽
今次試伏心態去食好煮意，因為見谷入面有個評論都講一般，所以想試下係咪真係有講到咁差，之前係舊舖嘅時候有食過幾次，之前都冇咁差⋯⋯先講下入位方面，我正值lunch time 1點去到，都未坐滿，先掃左安心入去，冇人招呼，自己入去搵位，過咗成分鐘先有人過嚟掃針卡。依家轉咗做QR code落單，掃咗入去之後大多食品都冇附圖片，不過純粹入去試佢嘅藥膳雞所以冇咩所謂，藥膳雞揀咗米線，一碗$55，叫多個小食瑞士雞翼$19四隻。碗麵等咗成20分鐘先到，隨後兩三分鐘先再嚟個雞翼。藥膳雞米線成碗麵得五舊雞件，脂肪偏多，木耳得兩舊，米線偏少，上菜時碗麵係暖唔係熱，冇熱煙。一開頭先試啖湯，有食過隔離鳳鳴居應該會知道佢哋係偏甜口味湯底，好煮意就偏藥材甘苦味，但第一啖入口，嚟嘅只有藥材苦味，並沒有回甘，喺出面打邊爐嘅藥膳湯底都唔會咁苦，第二啖食佢粒紅棗，完全一啲甜味都冇，然後我叫同伴嘗試，佢嗰粒係甜嘅，聽阿媽講紅棗冇可能係苦嘅，只有壞咗嘅情況先會喺，所以唔排除我食果粒係壞咗⋯⋯。之後試佢嘅米線，米線心偏硬，應該係未煮熟透，一啖米線一啖湯，又硬又苦⋯⋯，到佢嘅雞件，有兩舊細嘅脾位，正常水準唔會太鞋，但一食佢嘅雞胸
先講下入位方面，我正值lunch time 1點去到，都未坐滿，先掃左安心入去，冇人招呼，自己入去搵位，過咗成分鐘先有人過嚟掃針卡。
依家轉咗做QR code落單，掃咗入去之後大多食品都冇附圖片，不過純粹入去試佢嘅藥膳雞所以冇咩所謂，藥膳雞揀咗米線，一碗$55，叫多個小食瑞士雞翼$19四隻。
碗麵等咗成20分鐘先到，隨後兩三分鐘先再嚟個雞翼。
藥膳雞米線
成碗麵得五舊雞件，脂肪偏多，木耳得兩舊，米線偏少，上菜時碗麵係暖唔係熱，冇熱煙。
一開頭先試啖湯，有食過隔離鳳鳴居應該會知道佢哋係偏甜口味湯底，好煮意就偏藥材甘苦味，但第一啖入口，嚟嘅只有藥材苦味，並沒有回甘，喺出面打邊爐嘅藥膳湯底都唔會咁苦，第二啖食佢粒紅棗，完全一啲甜味都冇，然後我叫同伴嘗試，佢嗰粒係甜嘅，聽阿媽講紅棗冇可能係苦嘅，只有壞咗嘅情況先會喺，所以唔排除我食果粒係壞咗⋯⋯。之後試佢嘅米線，米線心偏硬，應該係未煮熟透，一啖米線一啖湯，又硬又苦⋯⋯，到佢嘅雞件，有兩舊細嘅脾位，正常水準唔會太鞋，但一食佢嘅雞胸同雞背就出事，一咬落去肉質霉爛，雞冇雞味，唔知咬緊咩肉咁，睇張相應該都睇到佢嘅肉質出晒事，入口嘅感覺好似舊雞擺咗好耐咁，唔係新鮮雞，食咗兩啖都唔想繼續食。
講埋佢另外配嘅辣豉油，色水正常，但係我成舊木耳成舊雞浸晒落去，都冇咩鹹味，好淡⋯⋯
瑞士雞翼
$19四隻比坊間都算平，顏色都靚靚仔仔咁，但一食落就知，真係得個顏色，入面完全唔夠味，熱食嘅瑞士雞翼上菜嘅時候係凍嘅，至少肉質唔係霉爛，呢個價錢都唔可以要求咁多。
氣氛方面間鋪好靜，地方都乾淨企理，Keep住都係得客人把聲同埋嗰兩個侍應用普通話夾雜着廣東話交流，有樓梯上樓上不過冇上去，裝修都算正常，聽講之前有人話食個麵都要加一，不過今次去就冇呢個情況，如果係純粹試伏心態或者轉新舖位支持下咁食，試一次就可以，不過要我再回頭嘅話就唔會，上水雖然係冇咩食，但可以有更好嘅選擇，換新舖位雖然係值得高興，但水準需要有所提高，出品方面都要好好留意，唔係嘅話新客留唔到，舊客又走埋，名利雙失。
藥膳雞米線
$55
11 瀏覽
0 讚好
0 留言
張貼
