巧饍坊(素食)

營業中

休息中

老婆都好想食齋菜，原來都有一段時間沒有食，所以去睇下，同埋係黃埔之前開左間日本既超市，順便行下食埋野，係黃埔天地美食坊原來仲係到，上到發現都好多轉了，除了詠藜園仲係到，其他店舖都轉了好多了。在這又比我發現有間素食的店舖，價錢方面又不算太貴，同老婆入去試下。【鳳梨生炒骨】生炒骨是用了腐皮一層層包住蓮藕，做成好似有骨既效果，外皮炸得香脆，口感不錯，個醬汁掛了這個腐皮上真係好似生炒骨既感覺，雖然件生炒骨大了少許。但都值得一讚。【農家小炒皇】小炒皇材料非常豐富，有腰果、青紅椒、豆乾、四季豆等，樣樣都可以餸飯就一流，材料嫩而不生，爽口鲜美，獲氣又夠。【欖菜金粟肉鬆炒飯】個炒飯真係炒得粒粒分明，內裡有冬菇、腐皮、粟米粒等，雖然材料簡單，但口感非常乾身又不會太鹹。