京.花朝 (已結業)

初初訂位以為係好大間的中菜餐廳，原來係好細間，人不多時只開一個廳，約9張台。但這棟大廈太恐怖了，太多餐廳，太多人排隊入電梯，走時更等了5架𨋢都走唔到，地段比較差。我地一行八人訂了北京填鴨兩食$338+蔥爆$68，北京填鴨味道不錯，但片皮的服務員不太專業，片了每塊都好大塊，而且連左好多肉，約只有16片左右可包黎食，味道都可以。蔥爆味道太濃了，不太受歡迎。乾扁四季豆$78，炒得好夠獲氣，我比較鐘意，有些朋友略嫌偏咸。蟲草花翡翠苗$78，清清的，好好味，翡翠苗好新鮮！上湯水餃$48/5粒， 幾好食，大大粒，菜肉含，皮薄含靚！夫妻肺片 $58 超級辣，好適合香辣之士！肺片彈牙香口！巴蜀口水雞$68，雞肉幾嫩滑，辣味不及上面道菜！雞絲粉皮$58 ， 麻醬好好味，雞絲不多，粉皮正常水晶肴肉$68 ，我個人覺得麻麻地，所以唔抵食。如果地段轉一轉，我都會再食！