煌府將軍薈 (已結業)

今晚巧遇將軍澳街坊,佢提議擇日不如撞日,一齊食飯,於是我地就去左附近將軍澳廣場煌府將軍薈門外見到有侍應正在片鴨皮, 鴨身燒得很靚,當然要點選金陵片皮鴨半隻一食片皮鴨送上檯已片好一件件,鴨皮燒得香脆,油香四溢,附送一大籠熱辣辣薄餅皮,鴨肉夾埋薄餅;京蔥同青瓜一齊食 , 超好味九重塔鮮菌牛柳粒牛柳粒超腍,牛肉味夠濃,配獨有九重塔醬汁爆炒,鑊氣十足,用黎送飯一流濃湯海味什菜煲大量菜心,生菜,小塘菜配埋蝦乾發上湯煨製,蔬菜索左濃湯味道,寧舍好食金蒜銀絲蒸元貝黎酒樓食飯點少得食海鮮, 元貝夠晒大隻,用左大量金蒜,粉絲,熟油作配料,元貝鮮甜,配料更加將鮮味大大提昇,正四道菜總計約四百元,食物質素幾好,而且侍應招呼唔錯,座位又闊落,不失為晚飯好地方