四寶食堂 (將軍澳中心)

營業中

休息中

四寶食堂有幾間分店，👧🏻一直比佢嘅裝修吸引！今次同👦🏻喺將軍澳行街後就揀咗四寶做晚餐！店員服務態度好，坐得舒服😌，食物熱辣辣送上枱，值得一讚😉。🌟低調沙嗲金菇安格斯牛肉粉絲煲沙嗲肥牛煲基本上可以話👦🏻食中菜必點既菜式，依個沙沙嗲金菇安格斯牛肉粉絲煲比較重沙茶醬味，唔算重花生醬味，牛肉軟腍，牛味濃郁，唔會比沙嗲味道搶過風頭，粉絲亦都嗦到哂沙嗲汁👍🌟拔絲山楂汁菠蘿咕嚕西班牙黑豚肉拔絲山楂汁嘅山楂味頗突出，比以往嘅咕嚕汁甜度較高。黑豚肉份量略嫌太少，亦都偏瘦唔夠脂肪。菠蘿🍍唔係同咕嚕肉一齊炒，而係冰凍地另上，用火槍輕輕隻燒過，令菠蘿焦糖化，更甜😚。🌟金枝瑤柱蟹肉扒西蘭花叫咗咁多肉/澱粉質，緊係要叫返啲菜食👍🏻。今次見套餐有瑤柱蟹肉扒西蘭花🥦，岩曬！蟹肉🦀️同瑤柱份量極多。不過最吸引👦🏻👧🏻就係跟餐嘅燉湯！是日燉湯係五指毛桃蟲草花湯，湯睇住店員喺蒸爐攞出嚟，就咁聞就有椰子香味🥥。平時屋企人都有煲五指毛桃湯，真係好有家的感覺😍。🌟金枝瑤柱鮑魚福建炒飯福建炒飯足料多汁，蝦仁大隻爽口🦐，蛋炒飯亦都炒得粒粒分明，唔會話痴埋哂一舊一舊，加上鮮味十足既芡汁，簡直一流👍。