Shining Bar & Restaurant (已結業)

經朋友介紹銅鑼灣有一間樓上酒吧好特別，係因為佢哋食嘅係中菜，但又有酒吧嘅氣氛，都真係幾驚喜。餐廳入邊嘅位置好闊落，佢哋仲會有桌球、beer pong同埋卡拉OK提供，間唔時仲會有live Band添，好適合小情侶，同埋一大班朋友黎玩。🎈 酒香威士忌鵝肝 $188上碟之前，店員會用水煙吹個大泡泡放喺威士忌杯，然之後再將走淋上鵝肝上面。鵝肝肉質厚身，口感軟腍，味道同威士忌好夾，夾埋爽脆嘅青瓜一齊食，食落去好有層次又有酒香，必點！！🎈 金沙椒鹽新鮮白飯魚 $138配有兩款調味粉，孜然粉同燒烤味粉，佢哋都會附上兩個shake shake袋，調味粉加埋大大條嘅白飯魚，真係好滋味！🎈沙嗲金菇粉絲牛魔王煲 $128沙嗲醬夠哂香濃美味，牛既肉質也不錯，粉絲份量十足，送飯一流！🎈 九龍醬園面醬炒什菜 $88面醬香味濃郁，而什菜亦十分新鮮，炒得好香。🎈Berries Party $88🎈Hea Ha $88兩杯都係不含酒精飲品，個人較中意Hea ha ，味道主要係檸檬汁同菠蘿汁嘅結合，飲落去酸酸甜甜好開胃。