神燈海鮮酒家 (18廣場)

營業中

休息中

之前同朋友聚會，大家都讚呢度嘅創新fusion菜式精美又好食，今日帶同另一半特登book位過嚟撐枱腳🙌🏻黑松露玻璃燒鵝表皮黑蚊蚊嘅，就係加咗黑松露來醃製嘅燒鵝皮，鵝皮烤得酥脆，散發出濃郁香氣。肉質又嫩又多汁，咬落有彈性，令人驚艷。南非鮑魚啫啫雞用煲上，上到枱仲係熱騰騰，鮑魚鮮味又彈牙，大大隻，份量十足，雞肉口感柔嫩，兩者融合，醬汁濃郁，好惹味！薑蔥龍蝦銀絲煲龍蝦色澤鮮明，入口帶有淡淡海鮮甜味，肉質爽彈，上湯整成嘅湯汁好濃郁，完美搭配搭薑蔥。魚香茄子煲茄子唔會太油，入口軟綿，鹹香味突出，配搭紅椒、蒜蓉和肉碎，口味微辣鮮香，佐酒、送飯一流！