影片
更多
2015-03-12
6869 瀏覽
我依啲打工仔，每個月就望月尾出糧，每日就望夠鐘收工，當然，唔少得望住個鐘等食晏。雖然晌中環返工，但都甚少寫中環食晏嘅食評，皆因小弟公司唯一最直接嘅福利就喺包伙食，今時今日而言，都算少有，所以，年中幫小弟慳番唔少，等我間唔時有點閒錢可以食好啲。就好似今次，晌廣州拼搏嘅老友回港辦點事，就相約一行3人到專做高質粵菜嘅「大班樓」食餐好嘅。地下一入門口左右兩邊都有張枱，不過，太多人出出入入，感覺唔多好。上樓上就好好多，多張6人圓枱或4人方枱，較靜局，而且，嚟嘅人都喺斯文客，交談都唔會太嘈炒，更顯得清靜。一室以白色為主，加少少小型水晶燈，予人感覺爽朗。午市主要供應套餐「行政午餐」，分頭盤（10選1）、主菜（17選1）、湯及甜品，包白飯一碗，定價為3道菜$198，而4道菜則$218，另收加一服務費，所以，晌度食個晏起錶價就二百多，非一般打工仔嘅選擇。北芪黨參燉乳鴨湯品嘅選擇喺十豆蟲草鬚湯或老火靚湯，咪以為後者喺普普通通嘅例湯，原來今日嘅老火湯喺「北芪黨參燉乳鴨」，一聽之下感覺喺咪好唔同呢。原盅清燉，還加了桂圓，呷一啖讓人潤澤無比，清甜醇厚，起首嘅「例湯」已經有種先聲奪人嘅姿態。頭盤、主菜，我哋各人按
地下一入門口左右兩邊都有張枱，不過，太多人出出入入，感覺唔多好。
上樓上就好好多，多張6人圓枱或4人方枱，較靜局，而且，嚟嘅人都喺斯文客，交談都唔會太嘈炒，更顯得清靜。一室以白色為主，加少少小型水晶燈，予人感覺爽朗。
午市主要供應套餐「行政午餐」，分頭盤（10選1）、主菜（17選1）、湯及甜品，包白飯一碗，定價為3道菜$198，而4道菜則$218，另收加一服務費，所以，晌度食個晏起錶價就二百多，非一般打工仔嘅選擇。
北芪黨參燉乳鴨湯品嘅選擇喺十豆蟲草鬚湯或老火靚湯，咪以為後者喺普普通通嘅例湯，原來今日嘅老火湯喺「北芪黨參燉乳鴨」，一聽之下感覺喺咪好唔同呢。原盅清燉，還加了桂圓，呷一啖讓人潤澤無比，清甜醇厚，起首嘅「例湯」已經有種先聲奪人嘅姿態。
北芪黨參燉乳鴨
973 瀏覽
0 讚好
0 留言
頭盤、主菜，我哋各人按喜好各揀一款，其實，每個類別都有咁多選擇，的確令人好易三心兩意！雖然有分話頭盤、主菜，但頭盤嘅份量亦只喺比主菜稍為細碟一啲，喺頭盤嘅煙燻乳鴿因只得半隻，才叫做明顯細份，所以，一個套餐都可以睇為「兩餸飯」啊！清酒魚湯煮蜆
魚湯加入點點薑絲，辟晒任何腥味，而魚味嚟得淡雅，唔會太過濃，又呷到少少清酒酒香；蜆隻肥大肉厚，味道鮮甜，吐晒沙，唔會食食吓巉口，而湯中仲有少少白蘿蔔條，清甜無渣。
清酒魚湯煮蜆
332 瀏覽
0 讚好
0 留言
龍井菊花煙燻乳鴿（半隻）因為作為頭盤，所以，只得半隻。雖然乳鴿煙燻唔及酥炸咁脆口，不過，茶葉香氣清幽，乳鴿肉質嫩滑，亦帶有茶葉芳香，就算只喺食得一小件，都喺食得津津有味。
龍井菊花煙燻乳鴿（半隻）
232 瀏覽
0 讚好
0 留言
蝦醬鮮魷就食得多，估唔到芥籽芥末拌鮮魷效果都好掂，鮮魷炒得好軟腍，而芥末味辛而不辣，點到即止，唔會好嗆喉。
蝦油法國芥籽芥末拌鮮魷
212 瀏覽
0 讚好
0 留言
芥蘭頭抽炒和牛腩片
小弟覺得依道菜最體現到佢用料精，因為啲芥蘭全部都喺最嫩嘅部位，翠綠爽脆，所切嘅長度均一；而牛腩片非常嫩口，又夠肉味，簡單以頭抽炒，真喺已經夠晒好食。
芥蘭頭抽炒和牛腩片
202 瀏覽
0 讚好
0 留言
主菜同樣多揀咗一道煙燻菜式，喺龍井煙燻米鴨，肉質當然以乳鴿滑嫩好多，但米鴨亦唔差，鴨肉軟腍細緻，沾一點黑糖羅望子醬，夾雜埋茶葉香，立時產生出化學作用，因為羅望子無酸梅咁酸，所以，淡酸醇甜中滲出幽幽茶香，細味先嗒出當中嘅味道。
龍井煙燻米鴨配黑糖羅望子醬
263 瀏覽
1 讚好
0 留言
魚湯腐皮浸時蔬食咩都要有個平衡，加上同行朋友喜歡素菜多，一道魚湯腐皮浸時蔬就最好不過。魚湯晌先前一道清酒魚湯煮蜆已分享過，鮮腐皮有豆香，時蔬以白菜仔入饌，雖然加入幾片「油炸鬼」，依然喺一道好清淡嘅菜式。
魚湯腐皮浸時蔬
159 瀏覽
0 讚好
0 留言
甜品有生磨杏仁茶及是日甜品，本來都飽晒，其實都無打算叫，但老友話點都要試吓佢哋嘅自家製雪糕（桂花杞子雪糕、子薑雪糕），口味獨特，故此，就試了後者。子薑味十分突出而唔會太辛辣，有份醒神嘅感覺，不過，質感唔算軟滑。
子薑雪糕
136 瀏覽
0 讚好
0 留言
張貼
