紅花會 (已搬遷) 新店位置

今日約咗朋友喺灣仔食中午飯 我哋兩個女仔都比較細食 又想飲少少酒 朋友嘅同事話見到紅花會九月份做緊seafood love sake Promotion 叫指定海鮮送兩杯清酒優惠 一個海鮮鮑魚前菜先百零蚊仲送兩杯酒 即管試吓 我哋先點左個前菜椒汁鮑魚 配嘅酒係龍勢 夜之帝王 先試下個酒先！ 個清酒好甘甘地 入口一陣清香嘅感覺 好易入口～ 鮑魚切得好薄 刀工犀利！ 食完前菜再傾吓計 仲想飲多兩杯 於是我哋叫咗個胡椒蝦煲 熱辣辣咁上枱 今次嘅清酒係帝松純米吟釀 我覺得上一杯甜D 同過蝦好夾份量都唔細 有成七八隻蝦 每隻都有爆膏～呢個優惠唔錯 推介推介